محمد ضباشه مدير عام المنتدى
| موضوع: أتأخرنا ليه ؟ الجمعة فبراير 25, 2011 12:31 pm | |
| أتأخرنا ليه ؟ محمد ضباشه
صحى لسانك ويا لسانى وتعالى نعرف نبدأ بأيه بعد ما كشفنا الفساد وسألنا بعض أتأخرنا ليه ونسينا خوفنا من نظام منفوخ قوى والضعف فيه ضحك علينا تلاتين سنه وفى لحظة جه عاليه واطية
بثورة قامت لرد الكرامة وحرية نايمة بين أيدية خايف تطير تهد عرشه وتكشف بلاوى مربوطة بيه وبحاشية فاسدة منظمة كبرها عاش مغمض عنيه وفى يده سيف لأى شريف قانون طوارئ راكب عليه القصد جابو رئيس وزارة بشعر أبيض وغرور ماليه جاى وفاكرها عزبة أبوه واللي جابوه شاهدين عليه بأن اقتصادنا حمار وراكبة وكام باشا منهم يقولوا شي وأن حد جه علشان يحاسب أو حد يسأل خصخصها ليه ده خط أحمر وواجب علينا ما حد يعرف سرقنا أيه
فى الحاله دى جابو عز هز يا وز فى الحزب بيه وفى مجلسنا اللى مش موقر واللى كان بالمال شاريه فوق القانون وأبن النظام اللى أفتكر أنه حامية وبأشارة منه للموكسين قانون يمر برقصة باليه والنهاردة اللى جابوه عمالين يقولوا يا حيط دارية
وحزب فاسد خرب وطنا بفكره الجديد اللى عاميه نوى يورث حكم بلادنا وكأن مصر ملك لأبيه والدستور دى لعبه سهله نغسل مواده بصابون كاميه علشان ماحد يشم وساخته وأن حد شم يشرب كافيه عند العدلى حامى النظام وسجونا تكون فرحانه بيه | |
|