أحنا أه مسلم ومسيحى
شعر : محمد ضباشه
وبقولها بأعلى صوت
مصر دايما منصورة
لا هتتزل ولا هتطاطى
وبحب ولادها مغمورة
لما قاموا بثورة علشانها
وفى التحرير كان أجمل صورة
لكل الشعب المصرى الحر
فى كل بلادنا المعمورة
كانت الأيد فى الأيد بتسلم
والصلبان حامية المقصورة
والأسلام كان رافع رايته
بصلواتة الخمس المشهورة
والقداس كان تحت عنينا
بيقول للناس المغرورة
أحنا أه مسلم ومسيحى
قمنا بثورة وشطنا الكورة
هدت عرش الحكم الفاسد
وحصونه الصلبة المسحورة
وعلى أرض التحرير أخوات
كلمتنا كانت محصورة
لرحيل الطاغى واعوانه
وأهدافنا كانت محفورة
جوه عقولنا كمصريين
مش فريقين بأدين مبتورة
مش هيهم كلامكم أنتم
ياللى عوزينها دايما مقهورة
علشان أنتم تاكلوا خيرها
وتشوفوا جثثنا عليها مبدوره
ما أحنا فهمنا اصل اللعبة
وبوحدتنا أكيد مستورة
