حبة صبر
شعر : محمد ضباشه
هم حبة صبر
مع شوية أيمان بالله
هنشوف بكرا أحلى
من أى يوم عشناه
بس العجلة تمشى
وننسى مرار دقناه
والبسمة ترجع على شفايفنا
وندفن فى الصدور الأه
ما الصبر احسن دوى
ما دام حلمنا شوفناه
بيتحقق قصاد عنينا
وبياخدنا وأحنا معاه
لحياه جديدة وحرة
ومعاه العداله سمعاه
بينادى على الديمقراطية
لقاها فى الطريق سبقاه
والخير راح يعم
مادام بأدينا سقناه
حب وعزيمة وأرادة
وعمل جميل محلاه
بيبدر بذور الأمل
ويد بالعدل أه مسكاه
بيوزعوه علينا كلنا
وهنعرف للكلام معناه
وهنلملم جراح الماضى
من اللى أتظلم ببلاه
وهترجع الحق لأصحابة
وبالحق كلام قلناه
هم حبة صبر
مع حبة ضمير نسناه
لفترة طويلة قوى
وفئة مننا رمياه
بعيد قوى ورا ظهرها
ولسنين طوال حفظاه
لما فرعونك يا مصر
طغى ونسى ربنا فى علاه
وورا شعبة العذاب
ورماهم فى جحيم ليلاه
