بسمة تانية

بسمة تانيه
شعر : محمد ضباشه
---------

خلى شفايفك تبتسم
وأنتى وقلبك خدونى
لقلب يحس بيه
وياخدنى من سكونى
وأتعلم منه أحبك
ويكون حبى ليكى
يقرب من حنانك
ويتوه فى جمال عنيكى
___

بسمة فيها الأمل
تفتح قلوب كتيرة
ومن القلب تبقى أحلى
مها كانت قصيرة
تنور لى الطريق
حتى والشمس طالعة
وترطب لى الهوى
فى صيف حرارته ولعة
وتحول لى المكان
جنه بميت بستان
أقطف من زهورها
أغصان من المرجان
أبنى لك عش بيهم
مليان رقه وحنان
وأكتب كلمة بحبك
وأملى بيها المكان
-----

وأشوف بعنيكى دنيا
طول عمرى ماشوفتهاش
تاخدنى من وحدتى
لحياه ما عشتهاش
وقلبى يبان عليه
أنه فى الحب داب
ومهما شاخت جدوره
عاد له تانى الشباب
ويكون سحر ابتسامتك
تاثيره بان عليه
يا ريتك يا حبيبتى
تبتسمى ابتسامة تانية