وجوه غاضبة
يكشف عنها : محمد ضباشه
وجوووووه حفر عليها الزمن
مأسى كتير
ووجوووووه عمره مانور لها
مصباح ولا قنديل
ووجوووووه عاشت تتمنى ابتسامة
ولو لرزق قليل
ووجوووووه باصة على بكرا
بعد ظلام الليل
ووجوه بتلعن فقرها
اللى دفنها سنين
اتعلقوا بوعود لساسة
وافتكروا ان وعودهم دين
مشيوا وراهم لغاية
مارجعوا من عندهم حافين
ووجوه صدقت ناس كتير
وقالوا منهم صلاح الدين
باعوا الوجوه للكراسى
وطلعوا ناس واطين
ووجوه بتقول ياريس
كفاية علينا ذل
ملينا من عد السنين
والفقر طال الكل
وولادنا بقوا زينا
من وعودكم مل
عاوزين نشوف الشمس
بعد حياة الضل
ووجوه بان عليها الغضب
وماعاد حداها يقين
بأن البلد هتتعدل
وتشوف ولاد مساكين
ركنوا الشهادات على الرف
وخرجوا فى المظاهرات ماشين
بيقولوا انت فين يا مصر
سيبانا لناس جاهلين
لحد امتى يا بلد
هنفضل نقول يا ناس
ارحموا الناس الغلابة
اللى بفقرها بتنداس
لا صحة
ولا تعليم
ولا سكن
ولا عمل
ولا امن
ولا كرامة
ولا حاجة فيها احساس
تحس بينا ولو مرة
ونلاقى ساعة فى عمرنا بتتباس
