ياروحى أمتى وأزاى ألقاك

يا روحى أمتى وازاى ألقاك
شعر : محمد ضباشه

ياما ناديتك أنا يا حبيبى
ترحم قلبى وتاخده معاك
وياما سهر من الشوق يتألم
ويرفع يده ويترجـــــــــــــاك
تقتل فيك الحته القاسية
وتنسى البعد علشان ألقاك
لأحسن أخاف لعيونك تبكى
وتقول باعنى وقلبى رماك
وتنسى الحب اللى كتبناه
وارجع أصحى الشوق جواك
بقصايدى المكتوبة علشانك
واللى حروفها تقول بهواك
وتوصف احاسيس ومشاعر
أتولدت على نور محياك
وتعاهدك والعهد أمانه
لطريقى يقرب وياك
لنهاية تجمعنى أنا وأنت
مهما الغربه تكون وخداك
ومهما اليأس بدأ يشاغلنى
لأصبر تانى واستناك
وكل اللى أتعذبته فى بعدك
مش هيهم ياروحى فداك
ومركب ياسى راح أبدلها
بمركب تانيه تقول رحماك
علشان ترحم قلبى يا روحى
اللى عيونه على طول شيفاك
وما نامت عن صورتك لحظة
ومشغوله بيك ودايما فكراك
ولما تغيب فى دفاترى بدور
وأرجع أقول أن أنا عزراك
بس كمان لازم تعزرنى
وأعزر فيه أن أنا عشقاك
وبروى الحب فى قلبى علشانك
وأنا قلبى ما يملكة سواك
ويكفينى أن أنت حبيبى
ولو عن بعد هروح سقياك
كاس مليان حبى وأشواقى
وجوه العين راح أكون حطاك
وأرجع أنادى أقول يا حبيبى
ترحم قلبى وتاخده معاك
وتقولى وتريح قلبى
ياروحى أمتى وأزاى ألقاك

يا جبال اهتزي في مكانك
لقلم قيد كل السطور
ويارياح أعلني عصيانك
فنحن بدونك يا سيدي .... لن نكون لن نكون
و يا أرض إرجفي مكانك
فذهولي بك أرعش الأنامل و أسحر العيون
سيدي محمد ضباشه
قوتك تكمن ببرائة و نقاوة احرفك الزمزمية
كم يحتاج لي من الوقت و من قوة لابثر رؤوس وسائل التضادات التى تهيمن على رأسي
وكم يحتاج لي من الوقت كي امتهن حرفك ذلك المداد
حينما يقذف من فوهته حروف مذهلة مذهلة تتلاشى لها الجوارح
من صميم القلب لك أرق و أزكى السلام
فحروفك الباذخة القاها تفصح بأن قلمك ذا ثراء
تحية لك من أعماق القلب

ريــم حمدى

وهذه تحية برشا كبيرة للغايبين علينا و على منتدانا
وأحنا نستنى رجوعهم لينورونا بطلتهم
ونبقى على أمل اللقاء في القريب العاجل
كل التقدير و الإخلاص
من لطيفة التونسية