سقيت صبرى بماء بعدك
لقيت المر زاد تلتين
ولقيت حرك يعذبنى
فقال قلبى هواها فين ؟
وموج بحرك يغرقنى
ومن جهله كسر قلبين
لقيت قلبى بيندهلك
وقلبك انت مصيره فين ؟
--
انا معرفتش اتغير
ولا اغير اراضيكى
ولا عارف منين ابدأ
ولا عارف اراضيكى
وكأن حبى ليكى سراب
وسحابة ضاله نواحيكى
وعنيكى مغمضه عنى
او فاكرة كلامى مش ليكى
--
انا تايه ما بين رمشك
وبين خجلى وبين ادبى
وعمرى فى ساعة ماهلمومك
دى كلمة محتها من كتبى
وكل الباقى علشانك
سطور تحكى الم حبى
وتحكى كل عذاباتى
بحروف تملى بحور دربى
--
أنا عاشق لكن خيبان
بيعشق قلب ماعرفهوش
بقاله سنين على دا الحال
يمرمط فيه ومانستهوش
تملى يزيد فى اشواقى
وانا حبه ماحستهوش
ماهى فاكره القلوب لعبة
تعذبها وما تكرهوش
--
تعيش فيها راجل غلبان
يدوسوا عليك برجليهم
وتعيش فيها كما التعبان
يقدمولك الشهد بايديهم
فبلاش ياقلبى طيبة القلب
وكرهك شايفة مالى عنيهم
مانسيوا كل فعل جميل
واللى عملتوا زمان ليهم
--
فى حصالتى يا خلق كتير
حاجات حلوه زمانها راح
تملى كنت بعشقها
وعاش قلبى معاها مرتاح
وانا نايم غيروا العملة
بعملة مالى فيها مراح
وخلو معاها الجنية سيد
ونوره معاهم ولا المصباح
--
سنين وانا ماشى على الحال دا
وفى الآخر طلعت عبيط
وكل اللى كتبتوا فى قلبى
وبعد سنين طلع شخابيط
حمار ركبوه وعداهم
وربطوه فى حلقة جنب الحيط
وشوية برسيم اهو بياكل
وضهرة للعيال تنطيط
وياريت صاحبى حمل لى جميل
وسابنى بدونه وحيد فى الغيط