حلم ليلة صيف

مدير عام المنتدى

حلم ليلة صيف
شعر : محمد ضباشه

فى ليلة صيف خلتنى
وأنا صاحى أنام نعسان
وأحلم بأنى أنا وأنتى
فى جنه ما فيهاش انسان
شدتنى عنيكى السود
لشط بحر كله أمان
بنيت عشى ما بين حضنك
وكان عطرة ورود وريحان
أقطف من على خدودك
زهور تكفى ميت بستان
واشرب من بحور قلبك
كاسات مليانه دفا وحنان
وأقرى حبيبتى فى عيونك
حكاية اللى نام عطشان
وجت له حوريه من الجنه
لابسه من الحرير فستان
وعلى الشعر شريط أبيض
خطف بصره من اللمعان
وكاس الحب فى ايديها
وكان باين عليه مليان
شرب من الحب واستكفى
وقال راح انام شبعان
ونسى فى الحلم اشواقه
ونسى اللهفة والحرمان
ونسى فى الحر يتقلب
على جمر من البركان
وجو الليله بقى جنه
مش زى جو عاشه زمان
وصحى من نومه بيدور
وفى الاخر قعد زعلان
ومالقى غير الوحده
وجو الحر تانى بان

نائب مدير المنتدى

استاذي ملك الحرف

محمد ضباشه

لقد صمتت كل حروفي أمام بوحك

بهمساتك الندية وشلالات نهرك العذبة النقية

كنقاء قلبك إنك تجبرني على البقاء بين

شهد همساتك وعبير حروفك

دمت بكل جمال وحضور يحمل كل الانور

لك مني أعطر التحايا وأرقها

دمت بحفظ الرحمن

سمراء العرب

مدير عام المنتدى

سمراء العرب
وأنت أيضا لكى منى كل الحب والاحترام والتقدير
تحياتى لكى ولأسرتك الكريمة
كل عام وأنتم بخير

» ليلة القدر خير من ألف شهر
» متى ليلة القدر ؟
» رجل ينام كل ليلة فى الجنة
» اليوم هي ليلة القدر
» دعاء ليلة القدر