منتدى ساعة العصارى
أهلا بك فى منتدى ساعة العصارى من فضلك قم بالتسجيل أو الدخول
نورت المنتدى بطلتك ولا تحرمنا زيارتك مرة أخرى محمد ضباشه

منتدى ساعة العصارى

نافذة تقافية يكتب فيها مثقفين من انحاء الوطن العربى
 
الرئيسيةمنتدى ساعة العصاليوميةس .و .جبحـثالتسجيلدخول

اهلا بكم معنا على صفحات منتدى ساعة العصارى - شعر - قصص - اسلاميات - أطاق ماكولات - ديكور - والعديد من الموضوعات الاخرى - تحياتى محمد ضباشه


شاطر | 
 

 أنا اللى قلبى معذبنى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد ضباشه
مدير عام المنتدى
مدير عام  المنتدى
avatar


مُساهمةموضوع: أنا اللى قلبى معذبنى   الأربعاء يناير 13, 2010 1:50 pm

أنا اللى قلبى معذبنى
شعر : محمد ضباشه

أنا اللى قلبى معذبنى
وعايش معايا وتعبنى
وفى هواها مغلبنى
خايف يروح لها ويسبنى
وعاوزنى قلبى .. أعيش وياه .. أنا أعيش وياه

أنا قلت له يا قلبى بلاش
تروح فى سكه تضيع ببلاش
كل اللى مشيوا فى سكتها
لاحد فيهم مات ولا عاش
وعاوزنى قلبى .. أعيش وياه .. أنا أعيش وياه

خلتنى بعت اللى ورايا
وقلتلى خليها بدايه
قلت معاكى للنهايه
وياريتها صدقت ويايا
وعاوزنى قلبى .. أعيش وياه .. أنا أعيش وياه

خلتنى أغنى على حالى
عاشق ربابتى وموالى
واقول دى لسه سيبالى
عذاب يكفينى ليالى
وعاوزنى قلبى .. أعيش وياه .. أنا أعيش وياه

خلتنى داير فى الحته
ماعاد لى دار ولا لى حته
وهدومى أكلتها العته
والدمع نازل على الجته
وعاوزنى قلبى .. أعيش وياه .. أنا أعيش وياه

أنا روحت مرة وقلت لها
تعالى المره دى واصفلها
وفى عيون راح أشيلها
حلفت وقالت ما أنولها
وعاوزنى قلبى .. أعيش وياه .. أنا أعيش وياه

عشانها بعت أهلى وناسى
لقلب غدار كله مأسى
وهواها ليه كمان عاصى
ولحب قلبى أه ناسى
وعاوزنى قلبى .. أعيش وياه .. أنا أعيش وياه

دى ست قلبها غدار
ميه ملحة كله مضار
تنزل تلاقى الموج أمتار
تغرق فى بحر ماله قرار
وعاوزنى قلبى .. أعيش وياه .. أنا أعيش وياه

أوعى تأمن مكارة
عيونها شبكة وسنارة
تاخدك قوام كده بأشارة
وياريت هترجع ببشارة
وعاوزنى قلبى .. أعيش وياه .. أنا أعيش وياه

أوعى يا صاحبى تصاحبها
وأنسى كمان كل أصحابها
ما أعرفش ايه اللى اصابها
تبع بالمال كل أحبابها
وعاوزنى قلبى .. أعيش وياه .. أنا أعيش وياه

وأوعاك تغرك البصه
ولشعرها أزاى قصه
دى عنيكى عليك باصة
وفاكراك تضارب فى البورصة
وعاوزنى قلبى .. أعيش وياه .. أنا أعيش وياه

أنا مستنى قطر يفوت
عمال يصفر توت توت
يعدى عليها مره يفوت
وهى تحته ياريتها تموت
وعاوزنى قلبى .. أعيش وياه .. أنا أعيش وياه


زى القطط بسبع ترواح
عايشه حياتها سداح فى مداح
وهى ست زمانها أه راح
مكانها تعيش ويا الآشباح
وعاوزنى قلبى .. أعيش وياه .. أنا أعيش وياه

فيه ست جوزها مغلبها
ومافيها حاجة تعيبها
تشوفها يوم ما يسيبها
تخاف تقرب لأدبها
وأرجع وأقولك .. خدنى معاك .. خدنى معاك

وست تعبانه فى الغيط
ولوحدها فى شغل البيت
وعمرها لا فى مره تشيط
ولا صوتها يخرج برا الحيط
وأرجع وأقولك .. خدنى معاك .. خدنى معاك

وست حافظة مقامها تمام
جمالها ولا فى الاحلام
تشوفها تقول الله يا سلام
وتخاف عنيك تغلط بكلام
وأرجع وأقولك .. خدنى معاك .. خدنى معاك

وست سمرا لكن سكر
وقلبها شهد مكرر
وعيونها لونها ما أتعكر
وجايه تقولك
خدنى معاك .. خدنى معاك

دى عينه من الستات
فيهم كتير زى القمرات
الا المقصودة بالذات
خلتنى أغنى التعلب فات
وراجع تقولى .. خدنى معاك .. خدنى معاك

أنا بعيب على العايب
وبحترم كل الطايب
لا الولد زى الشايب
ولا النسا كله معايب
وأرجع وأقولك .. خدنى معاك .. خدنى معاك
خدنى معاك .. أن كنت حبيبى .. خدنى مع
الرجوع الى أعلى الصفحة اذهب الى الأسفل
لحن الحياة
نائب مدير المنتدى
نائب مدير المنتدى
avatar


مُساهمةموضوع: رد: أنا اللى قلبى معذبنى   الخميس سبتمبر 02, 2010 10:17 am

استادي وشاعرنا محمد

هرعت لخيالي وفكري الحالم


أستعين بمفردات تليق بحرفك


بحثت وبحثت ..


وبالنهايه اكتشفت


بالتأكيد سيعجز قلمي امام قلمك ونزفك وحرفك


لا أرى هنا سوى تميز كعادتك دوما تعطر المنتدى بعبير قلمك


ليستمتع القراء بذلك البوح اسجل إعجابي هنا


بحرفك وبقلمك المميز


تقــبل مني ارقى التحـــايا واعـــذبهــا

ام اماني


الرجوع الى أعلى الصفحة اذهب الى الأسفل
محمد ضباشه
مدير عام المنتدى
مدير عام  المنتدى
avatar


مُساهمةموضوع: رد: أنا اللى قلبى معذبنى   الجمعة سبتمبر 03, 2010 5:15 pm

سمراء العرب - أم امانى
دوما ان مدين لكى بالشكر على المرور
وعلى ما تسطريه من كلمات ردا على ما أكتب
أشكرك من كل قلبى
تحباتى الخالصة لكى ولآسرتك وللأموره أمانى
وكل سنه وأنتم جميعا بخير
الرجوع الى أعلى الصفحة اذهب الى الأسفل
 
أنا اللى قلبى معذبنى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ساعة العصارى :: ديوان الشاعر محمد ضباشه-
انتقل الى: