انا حبى دا

مدير عام المنتدى

أنا حبى دا
شعر / محمد ضباشه

أنا حبى دا بيشدنى
وقصاد عنيكى بنسى الكلام
اللى سهرت أرتبه
ويا القمر قبل ما أنام
وأقول خلاص راح اقولها
نظرات عنيكى بتشدنى
وتاخدنى من دنيا لجنة
والقاها فيها تضمنى
واقطف أحلى الزهور
من على طرف الشفايف
وأخاف لتنسى لحظة
أرجع والقلب خايف
ويعيش ليله الحزين
والشوق ويا الحنين
اللى مل الصبر منهم
واللى داقه من سنين
وأقول أنا حبى دا
مكتوب يا روحى ليكى
لا أعرف أحب غيرك
وروحى ساكنه فيكى
لكن بخاف أقولها
وأنا واقف بين أيديكى
تنسى شفايفى الكلام
وعيونى بتناديكى
يا ريت تبصى فيهم
وكفايه علينا أنتظار
أسهر وأنام مع حيرتى
وأقول دليلى أحتار
وياريتنى أعرف أقولها
لكن باينه فى عنيه
واغرق فى شبر ميه
لما بتمسك أيديه
بيتوه منى الكلام
وأنسى لغة الحروف
وألاقى قلبى يرقص
وياريت عنيها تشوف
كانت رقصت معايا
وسابت عيونى تقول
مين قال أحب غيرك
يا حبيبتى مش معقول

مكتوب يا روحى ليكى
لا أعرف أحب غيرك
وروحى ساكنه فيكى
لكن بخاف أقولها
====================
ما أحد عاد بيخاف يقول يا محمد
ماشاء الله على شباب اليوم ......
كله بيقدر يعبر عن أحاسيسه ومشاعره بدون أى خوف
زمان كان الحب بالنظرة فقط
والصمت كان أقوى أنواع التعبير
كلماتك جميلة
تحياتى لك
مامافوفو وجدى

مدير عام المنتدى

فى احيان كثيرة لا يستطيع من يحب ولفرط حبة واحترامة لمن يحب ان يبوح بمشاعرة ويكلف العيون بالتعبير عنه فتحمل النظرات ما يشعر به القلب
على أمل ان تلتقط تلك الاحاسيس عيون المحبوب
شكرا لمرورك وجزاك الله خيرا
د: محمد ضباشه

نائب مدير المنتدى

استادي الكبير محمد ضباشه

اه على ترانيم قيثارتك ووقع حروفك الذي يشبه

قطرات الندى حين تلامس خد الزهور لقد

ملئت روحي دفئا ومشاعري همسا وحيويتي

نبضا استاذي الغالي محمد

تقاطر الشهد من بين اصابعك

فجعل من كليماتك بريقا ومذاقا

لا تصنعه إلا يديك الناعمتين

لك مني كل الشكر والتقدير والاحترام

على هذا الكلام

الذي سكن حنايا القلب

وجدد جريان الدم

دمت بحفظ الرحمن

لحن الحياة

مدير عام المنتدى

الجميلة لحن الحياة
شكرا لردك المتميز دائما
وشكرا لمتابعة الرد على موضوعاتى
دمتى عزيزتى بكل ود وحير
مع خالص تحياتى
محمد

مدير عام المنتدى

فعلا أنا حبى دا بيشدنى