تعالى نحكى للعاشقين

تعالى نحكى للعاشقين
محمد ضباشه

تعالى نحكى للعاشقين
قصة الحب اللى بينا
ويعرفوا حب السنين
ويتعلموا المحبة منا
ونوريهم حبيبتى أزاى
أنا وأنت مخلصين
مشينا الطريق بحب
وفرشناه ود وحنين
والشوق قنديل منور
باين جوه العيون
ولا فيها عذاب وحيرة
ولا حد على التانى يهون
وعلى الحلوه والمره دايما
يا حبيبتى متعهدين
قلوبنا مليانه فرحة
وعلى البعاد صابرين
ونقول الصبر طيب
بكرا فرجة قريب
تجمعنا فيه المشيئة
وأنا وأنت والنصيب
والقلب يوفى بوعدة
وساعتها ينول مناه
وطريق مفروش بحنه
واحنا سوى جواه
وورود على كل جانب
والصبر فتناه ورانا
ودقت ساعة اللقا
وفرحنا بيوم لقانا
وعصافير الحب طايرة
وجايه تزغرد ورانا
تعالى يا روحى نحكى
قصتنا للعاشفين
يمكن يتعلموها
ويصحوا حب السنين

هنا تألق جنون الحرف العاشق
نسج من ضوء الحرف سترة حانية من العشق الجميل وتتهادى بها المحبوبة
على سلم موسيقى لم يكتشفه سواك بعد .....
تكفيها هذه الكلمات لتعرف كم هو حب عميق قوي جميل
أقول يا سيدي
رقيقة كلماتك ، برقة و بروحك الطيبة
احساس شاعر مرهف جميل
تحياتي لك و لحرفك



من ريم