بكرا تحسى بفرق كبير

مدير عام المنتدى

بكرا تحسى بفرق كبير
محمد ضباشه

بكرا تحسى بفرق كبير
بين هوايا وبين هواكى
وساعتها هتلاقى فعلا
قلبى جاى يسكن معاكى
وتقولى خلاص أنا ليك
ونسيت اللى جم زرونى
وتوهونى فى حب وهم
وسهرونى وعذبونى
وكنت فاكره انى بحب
خدونى بكلام معسول
من غير ما أفكر لثانية
روحت له على طول
ولما حسيت بحبك
أنشغل قلبى قوام
والشوق فى القلب يصرخ
والعيون كرهت تنام
وتقولى معقول حقيقى
الحب اللى فى عنيك
كل دا علشانى انا
ما أنا طبعا حاسة بيك
ياريت ترحم عذابى
طمنى أبوس ايديك
أنت صحيح فعلا يا روحى
حبى ساكن حته فيك
ولا ناوى تزور وترحل
زى ناس كدابين
فرشولى الارض حنه
وزوقوها بالياسمين
لكن دا كان كله كلام
الصدق أتقتل جواه
وفتح فى القلب جرح
بيبكى على ليلاه
ولا أنت حبيبى غيرهم
حبك ليه بصحيح
خارج حب حقيقى
لا عذاب ولا تجريح
ويداوى بقايا جرح
عذبنى طول الليالى
لما كرهت الحب
وفضلت بقلب خالى
لولا عيونك خدونى
لجنه ما شوفتهاش
وأحلام فى القلب نبتت
حياه ما عشتهاش
لكنت قفلت بابى
وقلت للحب لا
وحذرت قلبى منك
أوعى تروح وياه
لكن وبجد راح
للآحلى حب فى حياتى
ساطع والشمس طالعة
واسهر وياه ليلاتى
وخلى الحب جنة
وحلاوته على الشفايف
وعيون صادقة وأمينه
بتطمن قلب خايف
لا أنت حبيبى غيرهم
كلك طيبه وحنان
ساكن جوه فى عيونى
وفى قلبى لك مكان

مدير عام المنتدى

لا أنت حبيبى غيرهم
كلك طيبه وحنان
ساكن جوه فى عيونى
وفى قلبى لك مكان

نائب مدير المنتدى

صح الله لسانك
وتقبل اعجابي بقلمك الرائع

وننتظر تحفك الجديده

بكرا تحسى بفرق كبير W6w_200505201928371dbcca52

مع تحياتي الخالصة

لطيفة

مدير عام المنتدى

الصديقة العزيزة لطيفة

ونورتى الموضوع بطلتك
محمد ضباشه

نائب مدير المنتدى

استادي محمد ضباشه

تجولت بين حروف بوحك

فتذوقت أروع الكلمات

وأعذب المشاعر

فسلمت أناملا نثرت فأبدعت

مررت من هنا فزرعت أحرفي البسيطة

كلمات تتنفس الإبداع

وتنثر من الحروف عطر الأشواق

ترسم الوفاء بخيوط الشمس على الأوراق

ويفوح العطر من ورود الكلمات

أبدعت وأكثر ونثرت الورد الأحمر

ودي وورودي لك يا مبدع

دمت في حفظ الرحمن

سمراء العرب

» ندمت انى عرفتك ندمت ندم كبير