التفرقة العنصرية

مدير عام المنتدى

التفرقة العنصرية
شعر :محمد ضباشه

أبيض ولا أسمر
اللون ماله ومالنا
مسيحى ولا مسلم
ما حاله هو حالنا
راجل ولا ست
الاثنين عايشين فى دارنا
غنى ولا فقير
لينا رب سترنا
بالعربى ولا بالانجليزى
وبأى لسان ما قلنا
لينا رب واحد
وليه معاكم أتبدلنا

كفايه تمييز ما بينا
وبلاش فعل الهوى
يعمى فى يوم عنيكم
علشان لسانكم التوى
أبونا هو أدم
والرب خلقنا سوى

لكن فيه ناس فاكره
أننا بنعادى السامية
والعرب درجة تالتة
وهمه أقوام عالية
ليهم حق البقاء
فى كل الدنيا دية
ولازم نسل العرب
يدوقوا شر البليه
مع انهم وبجد
أفعالهم أجرامية
وهمة أساس فكرة
التفرقة العنصرية

ما هى دوله اسرائيل
تعرف حقوق انسان
مع أنها فى السياسه
بتقوله فى كل بيان
وأحتلت أرض العرب
ودمار فى كل مكان
وقتل عينى عينك
ونار ولا البركان
بتحرق أى حاجة
وتقطع أى لسان
يدافع أو يقاوم
ويحس بالامان
وفى النهايه غزه
عايشة مع الغربان
لا دار ولا وطن
ولا حد نايم شيعان
والعالم كله شايف
لكن أصابة العميان