على قد لحافك .. مدد رجليك

مدير عام المنتدى

على قد لحافك ... مدد رجليك
محمد ضباشه
( يقول المثل الشعبى المصرى على قد لحافك مدد رجليك )

حكمة .. وقالوها فى الآمثال
على قد لحافك مدد رجليك
علشان لو بانت يا جميل
هضحك كل اللى يشوفها عليك
يبقى لازم تحسبها كويس
وتشوف اية ماسكة بايديك
مش تستعبط وتعرضها
وتنسى أننا عايشين حواليك

وأيه معنى على قد لحافك
معناها لبس التوب المظبوط
مه مش ممكن يخرج باشا
ونشوفة لابس زعبوط
ولا فقير يلبس كشمير
وفى يدة ماسكة نبوت
ولا فاكرها يا أبنى أونطة
وعلقة تفوت ولا حد يموت

وأيه معناها مدد رجليك
معناها تمشى الخطوه بحساب
مه مش ممكن خمسة جنيه
تصرفها على كيلو كباب
ولو حصلت وكانت غديوه
يبقى عشانا على الاحباب
وأوعى تصدق اللى يقولك
حكمة وقالها حكيم واه خاب
أصرف يا ابنى ما فى الجيب
وأمن بالجهل الكداب
وأنفش ريشك وأنفخ بطنك
وأنت يا عينى لابس قبقاب
بقى بالذمة دا اسمة كلام
يرجع شاب بعد ما شاب
ولا نرجع لوح الثلج
بعد ما بقى ميه وداب

مدير عام المنتدى

( يقول المثل الشعبى المصرى على قد لحافك مدد رجليك )