ريم حمدى
نائب مدير المنتدى
 | | موضوع: قدرى أستحمل الحرمان لشاعر محمد ضباشه الخميس يناير 10, 2013 10:53 am | |
|
قدرى أستحمل الحرمان
محمد ضباشه
ليه تهجر وتنسانى ؟
وتخلى دموعى تواسينى
وبدل ما ألقاك قريب منى
فى نار بعدك بتكوينى
وتغيب عنى شموس حبك
وفى حضن الوحده ترمينى
وتكتب بالآلم جرحك
وفى بعادك تعادينى
نسيت قوام حبى
شكرا يا نور عينى
هو ذنبى أنى حبيتك
ومشيت فى سكة الهجران
أقول بكرا يعود تانى
وألبس اجمل التيجان
وأقول يا قلب أستنى
مسير شمس الحقيقة تبان
وأقول يا قلب أرحمنى
وارحم ظما العطشان
ويعدى بكرا متأخر
وأنا عايشة مع عذابى
بسترجع شريط حبك
وأنام على سطر فى كتابى
وأتمنى أصحى على أملى
ألاقى قصادى أصحابى
لحد ما كبر يأسى
وبدأت أتوه مع النسيان
وأقول يارب أرحمنى
وصبر قلب عاش تعبان
لا عاش خالى بلا حبه
ولا حبه طلع أنسان
فقلت انا راضية بقدرى
وقدرى أستحمل الحرمان | |
|
