مواصفات الرئيس القادم لمصر
يقدمها لكم : محمد ضباشه
هنجيب منين رئيس
يحس بالغلبان
اللى من يوم ما أتولد
فى بؤس وف حرمان
لا شغلة ولا مشغلة
ولا له فى البلد دى مكان
ولا حد حاسس بيه
أن قال يا خلق جعان
مريض ومش لاقى الدوى
نايم عليل ألمان
ومستشفياتنا عاوزه أزاله
وأطبا معاها كمان
ونشوفها مره نظيفة
من غير قطط وفيران
بتجرى جوه العنابر
وكأن المريض حيوان
هنجيب رئيس منين
يغير التعليم
وولادنا تتعلم بجد
ومن غير ولا مليم
يخرجوا لسوق العمل
عامل بعلمه عليم
يزود انتاج بلدنا
ويخليه عفى وسليم
ويقضى على الفساد
وكفاية بقى تعتيم
اللى شربنا التخلف
علشان مفيش تقويم
هنجيب رئيس منين
يخلينا كلنا اخوات
ويساوى ساكنى القصور
مع ساكن ترب لاموات
ويطبق القانون على الكل
ويقولها بكل ثبات
مصر بلد القانون
والخارج عشان علات
يحرق يخرب ويقتل
فى أجمل الزهرات
قضائنا سيفه عدل
والحكم له أشارات
هنجيب رئيس منين
يحقق مطالب الثوار
اللى فى 25 يناير
كانت البداية قرار
عيش وحرية وكرامة
لكل اهل الدار
وعدالة بين الناس
مش كوسة ولا خيار
رئيس يكون له كرامة
مايجبش لمصر العار
