[size=24]بس متقولش يا حيوان ............. من كتاب كلام ابيح جدا للكاتب الكبير يوسف معاطى [size=24]
[size=18][size=18]بسم الله الرحمن الرحيم
بتحصل لى كتير الحكاية دى اباه ماشى فى الشارع سرحان لا عارف انا رايح فين ولا جاى منين ولا عندى اى اتجاه محدد.. وفجأة.. ألاقى نفسى فى مكان غريب .. وابص حواليا.. انا فين ؟!انا اية اللى جابنى هنا ؟! هوة انا كنت رايح فين ؟! تطلع اية المنطقة دى ؟! هارجع ازاى ؟! ادى اخرة ان الواحد يمشى برجليه مش بدماغه .. الحارة دى انا اول مرة اجيها فى حياتى ... انا عاوز اطلع على الشارع نجرب كدة نخش يمين ...............لأ........دة زقاق ضيق .. نخش شمال! دى عطفة.. يبأه نرجع بأة .. اصل هنا احسن ما تسألش حد.. الناس شكلها ضارب حاجة ولو عرفوا انى غريب هيقلبونى .... الراجل اللى واقف على ناصية الحارة وواخد بشلة فى وشة بيبص لى كدة ليه ؟ هوة انا فية حاجة غريبة ....اية دة ....انا لابس بدلة سموكنج وبابيون وجزمة فرنيه بتامع ....هنا.ّاية اللى جابك هنا بالمنظر دة يا حيوان .!. دى انا بقول لنفسى ..يبأه نمد شويه عشان نطلع من هنا على خير ..المنطقة دى عاملة زى بيت جحا مالهاش مخرج ..وانا عمال اغوس فى الطين بجزمتى وبدلتى ..بصراحة نظرات اللى حوالية مطمنش ...اصل الراجل ابو بشلة ماشى ورايا ..وبيغمز لواحد تانى واخد سكينة فى قورتة ..بص لى هوة كمان نفس البصة المرعبة ..انا لازم ابطل السرحان دة وانا ماشى . هطلع من هنا ازاى ؟ لو عاوزين الساعة ياخدوها.والموبايل كمان.بس يسيبونى امشى .مفيش غير فرصة واحدة .انى اطلع اجرى لحد الفتحة اللى فى اخر الحارة ..والله كان كاتب لى وتبأة منفدة على الشارع نبأة خرجنا.. والله طلعت مسدودة يبئى دة قدرى بأه...ياخدوا اللى هما عاوزينه ..بس بلاش العنف ..مشكلة الصيع والحرمية انهم ميعرفوش احساس الجبان وهوة اللى ماشى فى شارع ضلمة ....ومش عارف يخرج ..لازم يعرفوا انى معنديش اى رغبة فى المقاومة .. عاوزين اى حاجة ياخدوها . بس يسيبوا البنطلون ..اة .. الحارة طلعت مسدودة ..مفيش غير حل واحد علشان اخرج من الورطة دى ..الحارة ورايا سد واتنين داخلين عليا واحد ماسك مطوة .. والتانى ماسك سنجة يبأة اية الحل ؟؟؟الحل بسيط جد ..انى اطلع بحلم فى الاخر .. وان كل دة حلم ودة المبرر الدرامى الوحيد اللى يخلينى قاعد بكتب لكم دلوقت ..ما هم لوكانوا قربوا اكتر من كدة وانا مكنتش بحلم كان زمانهم هما اللى بيكتبوا الحكاية دلوئتى مش انا . واكيد اسلوبهم كان هيختلف ووجهة نظرهم فى الموضوع كانت هتختلف .يبأة ما دام انا اللى بحكى دلوئتى يبأة انا كنت بحلم ..اية يا جماعة اصحوا معانا شوية .امبارح بأة حلمت حلم عجيب جدا .. لقيت نفسى ماشى لوحدى برضة ..بس المرة دى فى الغابة ..اصلى ابل منام كنت بتفرج على ديسكوفرى وزى ما تقول عسلت وانا على الكنبة لقيت نفسى ماشى بين الددغال والاحراش .ولانى حاسس انى بحلم كان جوايا اطمئنان عجيب لان تعاملى مع اى اسد او نمر هيكون فى حدود الحلم مش هيزيد على كدة .لوحدى تماما فى الغابة ومفيش اثر لاى بنى ادم ...اية اللى جابنى هنا؟وهارجع ازاى ؟هية الحتة دى فيها مواصلات؟1كل دى اسئلة ما شغلتنيش على الطلاق ...انا راجل بحلم واكيد هصحى ..الاقى نفسى على الكنبة .امتى ؟مش مهم ..سعات مثلا دراعك يقوم مدلدل لوحدة كدة وانت نايم تقم تصحى او تكون جاى تتقلب تقع من على الكنبة ..او التليفزيون يوش ..يبأة خلينا فى الغابة .. نشم شوية هوا..وشوية ولقيت قطيع من الغزلان البرية ..واقفين بعيد..المنظر كان بديع بصراحة ..كان نفسى اخد لهم صورة ..بس للاسف معايش كاميرا..وحتى لو معايا ..منا هصحى بعد شوية لاهلاقى لاصور ولا كاميرا ..قربت منهم وانا بلاعبهم ..ياغزال..ياغزال..العشق حلال..اول ماشافونى ..الغزلان يعنى ..قعدوا يصرخوا.. ويجروا كأنهم شافوا ديناصور قدامهم ..وسمعتهم
بقولوا(اه ..ماهى الغزلان بتتكلم فى الحلم عادى )كانوا بيصرخوا وبيشاوروا عليا
الحقوا بنى ادم اهربوا
..معقول !!للدرجة دى انا مخيف ..انا عملت اية ..دة انا بأغنى ..هل صوتى وحش للدرجة دى ؟!وشوية ولقيت دبة خرجت من ورا الشجرة ومعاها اربع دبب.,. بصت لى بصة مرعبة ..وقالتت
اهوة..المنحط دة هوة اللى ضرب ابنى بالرصاص ..وخطف اخواتى وسجنهم فى جنينة الحيوانات
انا !يا دبدوبة ياحبيبتى ..والله العظيم منا..اكيد حد تانى ..استنى بس ..واخدت الدبة الاربعة من قدامى وجريوا ..ونط قرد من شجرة لشجرة وقعد ينادى على قرايبة ..القرود اتلمت ..وراح واقف القرد واعد يخطب فى القرود
اهوة اللى خطف عيالى ورماهم فى الجبلاية عشان يقعدوا هوة واللى زية يضحكوا علينا ويرمولنا قشر لب وفول سودانى
يا عم قرد انت هترمى بلاك عليا ..طيب والنعمة الشريفة ..
وقبل ما اكمل كلامى ..لقيت تعلب وقف من بعيد بيبص لى بغل ..هوة وكام تعلب واقفين وراة ..وبيقولى ..
بأة انا اللى خبيث ومكار يا مية من تحت تبن ..استعبط ياروح امك استعبط برئ اوى سيادتك هه!!. فين ابويا يالة ..وديت ابويا فين ؟
وانا مالى ومال ابوك يا عم تعلب ..انا لا شوفت ابوك ولا قابلتة
اه مش انت اللى سلختة يابنى ادم ..ورايح تعمل بية فرو تقدمة هدية للمدام ....بأة ابويا ابو التعالب اللى الغابة كانت تعملة الف حساب ..اخرتها مراتك لابساة ورايحين تسهروا فى ليلة رأس السنة ..استنى علية ..نهارك مش معدى النهاردة
وبدأت الحيوانات تنادى على بعضها ..اهوه..امسكوه..اقبضوا علية ..اوعى يفلت منكوا ز.وفجأة الغابة اللى مكنش فيها صريخ ابن يومين لقيتها كلها بتجرى ورايا اخدت ديلى فى سنانى ويا فكيك ...الغابة دى بيخرجوا منها ازاى ظفين الاسفلت ...الحقووووووووووونى
مش واجب اصحى بأة من الكابوس دة ؟؟؟انى اصحى .مفيش صحيان.. ماهى فى احلام بتتربس كدة ..قعدت اضرب نفسى اقرص خدى ..مافى صحيان والحلم مش عاوز يخلص
وانا بجرى ..ارنب كان معدى جنبى ..انا طول عمرى بحب الارانب وارتاح لهل..ما صدقت لقيتة .
يا ارنب لو سمحت ..الشارع الرئيسى فين ؟؟ا
الارنب شافنى من هنا وصرخ
اهوة اللى حط ماما فى حلة الملوخية ..امسكوة..لقيتة..اهوة.
انا طول عمرى اكرة الارانب كرة العمى ..قعدت اجرى اجرى مش لاقى كائن فى الغابة دى يساعدنى ..حتى العصافير..اتجننت وعملوا سراب وملايين العصافير لقيتهم جايين عليا بمناقيرهم ..اروح فين يا ناس ..مالقيتش قدامى غير بحيرة روحت ناطط فيها ..وفجأة..سمعت صوت السمك بقول لبعضة ..اهوة ..وصل ابن الهرمة ..بأة عمالين تشونا وتقلونا فى الزيت وتعملونا صنية كمان! انت اية ؟؟ مابتحسش ..ترمى الصنارة ..وتحط لنا فيها الطعم ..بتستغل اننا ميتين من الجوع واول ما السمكة الغلبانة تحط بقها فى الطعم تقوم شاددها من وسطينا ..انت فاكر المية اللى فى البحر كلها دة اية ؟؟؟دى دموع السمك على الضحايا اللى انت مبتشبعش فيهم قتل وشوى وتعذيب ..دة انتوا عملتونا معلبات يا راجل ! بتحب التونة هه؟. ولقيت ملاايين السمك جايين عليا ..وعنيهم فبها الشر ..خرجت من البحيرة وانا بأشر مية ..لقيت على الشط كل الحيوانات مستنينى ..اه..وقعت فى ايد من لايرحم .
مش واجب نصحى بأة من الحلم المنيل دة ؟؟ابدا..الحلم شغال.. الست اللى انا متجوزها دى والعيال ماحدش فيهم قلبة ياكلة على ابوة ويجى يهزنى يقولى خوش نام جوةيا بابا ..عاوز اصحى يا ناس مسكنى التعلب من قفايا..والحيوانات كلها ماشية ورانا وهما بيهتفوا وقفونى فى ساحة ..فى وسط الغبة .زكان الاسد قاعد ..وجنبة النمر ..فى منصة معمولة من جذع الشجر ..وراحوا حاطينى فى القفص .. وفهمت انهم قرروا يحاكمونى ..وفتحت الجلسة
الديك قال..
محكمة
الاسد قال ..
الحيوان الناطق ابن ادم ..تفضل
المحكمة كانت هايصة كل الحيوانات جاية تشمت فيا ..وانا واقف فى القفص سامع ..هوهوه ..ونونوه وصهيل خيول ونعيق بوم وزئير اسود ..اوركسترا حيوانى كامل ..مرعب .
ضرب الاسد برجلة على المنصة فلقها نصين ..الغابة كلها سكتت..طلع التلب وقال..
ان هذا الانسان الماثل امامكم ز.خرق كل قوانين الطبيعة ..وقام بغير حق بقتل الطيور والحيوانات والنباتات والاسماك .. هذا الكائن السافل الارهابى افسد البيئة التى نعيش فيها وهدد امن وسلامت الحيوانات ..ولذا فأنا اهيب بعدعدالتكم ان تطبقوا علية اقصى العقوبة وهى التمزيق اربا اربا ..وتقديم جثتة لعدالة ملك الغابة ز.هدية متواضعة من خادمكم المطيع التعلب
منافق بشكل التعلب دة .طيب ودينى لوربنا طلعنى من هنا على خير لاجيب لمراتى الفرو اللى كانت طالباه ..بالعند فية
وطلع الشهود ليدلوا بشهادتهم ..دخلت البقرة ..وعدت قدامى ..وبصتلى علشان تتعرف عليا
البقرة ايوة ..هوة دة يا ملك الغابة هوة دة اللى دبح اهلى وولادى واكل لحمهم وهوة دة اللى اعد يحلب فيا ويا خد لبنى ويشرب لما هد حيلى ..انا عوزاكوا تنتقموا منة وتخلصولى منة اللى عملة فيا وفى اهلى
دخل الحمار ..انترايح فين ؟؟
الحمار رجع شوية ..ووقف قدامى وقعد يبص لى ..وقال..
ايوة هوة دة انا اطلعة من وسط مليون كائن ..دى انا شوفت منة اويل ..كان يقعد يشيلنى على ظهرى احمااال الدنيا كلها ..وينزل فيا ضرب من غير رحمة ولا شفقة ..ولما كنت انهق ..ولا كأنى بتكلم وفى الاخر يرميلى شوية تبن ..اكلهم واناهرجع اللى فى بطنى ..انما ماكنش ادامى غير كده .
وراح باصص للنمر .زوقال له..
ارجوك يا ملك الغابة ..خدلى حقى ز.
التعلب صرخ فية ..
ملك الغابة قدامك اهوة يا حمار ..دى النمر
دخل الخروف..وجرى عليا وانا واقف فى القفص ..وكان هايج ومش قادر يتمالك اعصابة ..وقعد ينطح فيا ..مسكوة ..وقعدوة..
وقالو لة ..اهدا .. انت جاى تشهد يا خروف .. قول الشهادة
قال الخروف وهوة بيعيط ..
انا ..انا يعمل فيا كدة ..ده انا اطيب حيوان فى الغابة كلها ..يجيبنى ويحطلى شوية مية ويربطنى فى شجرة ..اقول معلش يمكن رايح مشوار وايف احسن اتوهمنة ..اولادة السفلة المنحطين يقعدوا علية ويركبونى ويشدونى من قرونى ..اقول معلش اهى عيال بتلعب ..وفى الاخر مش بس يدبحنى ..دة يدبح ويسلخ وياخد الصوف بتاعى حتى المصارين يحشيها رز ..ويعملها ممبار ..اللى عملة فية لازم يتعمل فية ..لازم اشوف ممبارة بعنية يا ملك الغابة .
الفيران قالت على المصايد اللى كنت بأعملهالهم والصراصير اتكلمت على الشباشب اللى كنت بانزل بيها عليهم حتى الدبان اتكلم عن المنشة اللى كنت دايما ماسكها وانا اعد فى البلكونة
الكلب وقف وقعد يهوهو كان بيهوهو بمرارة وشاور عليا وقال
الراجل دة عمرة ما فكر يأكلنى بالعكس انا منكرش انة بيرميلى العضم اقعد اقرقض فية وساعات كان يعملى فتة كمان
اخيرا فية حيوان فى الغابة دى قال كلمة حق ربنا مايحرمنى منك يا كلب
انما
انما اية بأى ؟
بالرغم من انة هوة كمان مينكرش انى كنت اخلص لة واوفى المخلوقات بالنسبة لة ولو حسيت ان حد قرب منة او من ولادة كنت اهبشة على طول وافضل سهران احرسة وهوة نايم مرتاح ومع ذلك مكنش يحلالة الشتيمة الا بيا ....يابن الكلب
مالة ابن الكلب بعد كل اللى عملناة بأينا خلاص سبة شفتوا ناكر للجميل زى دة
وطلعت البؤة مرات الاسد وهى عمالة تزأر زئير مرعب خوف الاسد نفسة
قالت
سوأ سمعتى بين كل الحيوانات وطلع عليا كلام ابيح وصورنى وعمل لى سيديهات وبأة هوة واللى زية يبعتوا صورى على التليفونات واى واحدة ماشيها بطال يقولوا عليها...................... كأنى بأيت النوذج للانحلال واذا كنا هنفنح لبعض بأة انا عمرى ما قلبت اسد وخدت كل اللى وراة واللى قدامة .مش كدة يابن ادم وانا بقولك اهوة والغابة كلها سامعة اللى يقول انة لمس شعراية منى احط مخالبى فى عنية
وراحت تزأر فى وشى وقالت لى ان ما وريتك استنى عليا بعد الحكم ان ما قطعتك
القضية كدة باينة خسرانة خسرانة رفعت ايدى لملك الغابة وقلت لة
انا عاوز محامى يا ملك يا اما ادافع عن نفسى
الاسد قال لى ..
هوة فى محامى يرضى يمسك اضيتك يا جميل
قلت لة خلاص ادافع عن نفسى
اظن كلكوا اتكلمتوا ممكن بأة اتكلم تسمعونى انا اعترف بكل الجرايم اللى قولتوها انا فعلا عملت كل دة بس ما تنسوش انى انا نسان يعنى مقدرش اعيش من غير قتل ولا دبح ولا تعذيب و وطبيعتى النسانية انى اعيش على قفا غيرى ز.دى الحقيقة انما متنسوش انا بعمل كدة فى نفسى قبل ما بعملوا فيكوا انا برضة بظلم البنى ادم اللى زيى وبأعذبهم وبرميهم فى المعتقلات وبقطع عيشهم انا اللى بفقل بقهم وبمنعهم من الكلام الكلاب عندكوا بتهوهو زى ما هية عاوزة والحمير بتنهق زى ما هية عاوزة زى ما تفضل الاستاذ الحمار وقال انما انا مبقدرش اتكلم بتتكلموا على البيئة اللى انا مرتها ظ؟دى انا اللى اخترعت الاسلحة النووية والذرية اللى بيتقتل بيها البنى ادمين امثالى انا كدة اتولدت كدة وهاعيش دة وهامت كدة انتوا زعلانين اوى علشان كام واحد فيكوا اتقتل ولا اتسلخ ولا اندبح ودة يجى اية فى اللى احنا عيشينة ؟؟
حد فيكوا جرب النفاق ولا الكذب ولا الانتهازية ؟؟ماترد يا تعلب حد فيكوا جرب يقف فى طابور العيش من صابحية ربنا لحد العصر وفى الاخر ميلاقيش خمس ارغفة
ماترد يا حمار حد فيكوا جرب يقوم من النوم الصبح يلاقى ضرايب جديدة هتنحل وبرة اتفرضت علية وهوة نايم ؟ماترد يا طور
حد فيكوا اخد منحة وقام الصبح لقاهم رفعوا الاسعار 3 اضعاف جربتوا حرئة الدم والحياة من غير امل ولا كرامة ولا طعم ولا معنى
بدأ صوتى يجلجل فى المحكمة والجلالة اخدتنى .ونسيت نفسى واعدت اتكلم مكنش هاممنى يحكموا عية بأية ؟بس كان نفسى اتكلم ازعق اصرخ حلم حلم بس اقول الحقيقة واللى جوايا
الحيوانات بدأت تبص لى بشفقة وتعاطف لدرجة ان الاسد عينية رغرغت والتعلب بص فى الارض وحس باذنب تجاهى وبدأت الحيوانات تنسحب واحد ورى التانى من قدامى
الاسد قال
بما ان المتهم فى حباتة الانسانية يعانى بالفعل من عقوبة اشد من عقوبة التمزيق اربا فإننا لا ننوى ان نخفف العقوبة عنة
رفعت الجلسة
ولقيت نفسى فى الغلبة لوعدى خالص .كل الحيوانات سابونى لمصيرى ولقيت قدامى الطريق والاسفلت وعربيات معدية ...وفجأة
لقيت ايد بتطبطب على ضهرى ..بأبص لقيتة الخروف
قال لى
معلش .ماتزعلش بأة ....احنا مكناش نعرف كل دة وانا يا سيدى جاى لك بنفسى على العيد الكبير
هاااااااااااااااااااااااااااااااااااااااااااااااااى عليكم طبعا انتم هتعرفونى باسمى 
يا هلا بيك يا حسنى 