يا عم كفايه

مدير عام المنتدى

يا عم كفايه
شعر : محمد ضباشه

يا عم كفايه خطب
وكفايه فى العقول تخريب
وضرب على دماغنا
بالبلغ وبالأبئيب
وتاخدنا من وسط الحمام
وترمينا فريسه لديب
لا عاد كلامك يطمن
ولا يودى ولا هيجيب
وفى كل خطبة لعبه جديدة
بنضمها مع الألاعيب
خلاص فقدنا الثقة
وما فى ريحة كلامك طيب
ولا عمره فى يوم شبع جعان
ولا حط فلوس فى الجيب
ولا داوى مريض من الهم
نايم فى حضن الريب
ولا رجع البسمة لينا
وخلاها دايما عننا بتغيب
كفياك ياعم كلام
وعودك معانا كلها بتخيب
وياما سمعتنا فى خطب
خلت شعر راسنا يشيب
ونصحى نلاقى الطمع
وفى كل ليلة اكاذيب
أن البقرة هتطرح بلح
والنخله هنشرب منها حليب
والسنة دى هتبقى أحسن
وهيكون لينا معاها نصيب
وهى شكلها زى غيرها
ويمكن تكون احلى للمحاسيب
خايفين نصحى نقابل بكرا
ونحس انه معانا غريب
جاى يمص بافى دمنا
ونحاسب احنا على المشاريب
ومصير ولادنا الصغار
هيكون فى علم الغيب

لسماع القصيدة اضغط على مربع التحميل بالاسفل

موضوع: رد: يا عم كفايه الأحد فبراير 28, 2010 9:31 am

محمد ضباشة
خايفين نصحى نقابل بكرا
ونحس انه معانا غريب
جاى يمص باقى دمنا
ونحاسب احنا على المشاريب
ومصير ولادنا الصغار
هيكون فى علم الغيب
================
أن شاء الله أنا متفائلة خير فى الانتخابات القادمة
سوف يأتى الجديد الذى يقودنا الى بر الأمان
لك كل تحية
@@ ماما فوفو وجدى @@
@@@@@@@@@@
يا عم كفايه %D8%A8%D8%A7%D8%B1%D9%83%20%D8%A7%D9%84%D9%84%D9%87%20%D9%81%D9%8A%D9%83

يا عم كفايه %D8%A8%D8%A7%D8%B1%D9%83%20%D8%A7%D9%84%D9%84%D9%87%20%D9%81%D9%8A%D9%83

موضوع: رد: يا عم كفايه الإثنين مارس 01, 2010 11:55 am

ان شاء الله هنكون احسن
شكرا لمرورك العطر على الموضوع
لكى تقديرى واحترامى .
اميره ضباشه
مديرة المنتدى بالنيابه عن
الاستاذ محمد ضباشه ..

مدير عام المنتدى

» كفايه يا حزن
» يا عيونى كفايه بكا