مشتاقين
طال علينا فراقكم والله يا غايبين
قدر ما ننسى العلينا برضه مشتاقين
**********
الخدود الشاربة من لون الشفق عند المغارب
ديل خدودك سيدي .. سيد الناس يا سيد الحبايب
العيون طرتني زول من أهله غايب
والشعر في كتيفه يتهادل سبايب
والله مشتاقين
**********
في عينيك تظهر لي دنيا .. دنيا شوقك فيها ظاهر
الأماني الحلوة هايمة زي بحور ما ليها آخر
الكليمة الطيبة منك زادي وحياتك لباكر
والأمل فارد جناحه ديمة زي عينيك مسافر
والله مشتاقين
**********
الغروب يسألني منك أمسياتنا في شوق إليك
الرمال الناعمة مشتاقة لمشيك
الطيور الراحلة في ظل المساء بتسأل عليك
كيف تفارق الضفة والنيل هان عليك
والله مشتاقين
