من الشعر الملحون الجزائري * الشمعــة *

مراقب عام

الشمعة
ياشمعة كفـي دمـوعك هـنيــــنــــي*** قــــــــــــلبي ياوناســــتي ماهو صــبَّــار
شفت دموعك سايــلة دمعت عـينـي*** زدتي عني هـــــــم حــيــرة وتفكـــــار
ضَوِّك راه اضعاف ماهو عـــاجبني*** وريـــــــني مابيك يامصبـاح الـــــــدار
قالتـلي احكـي بهمــك خلينــــــــــي*** من بعد انــــوريـك بيا مـاذا صـــــــار
قـلتلـها همـي اصعيـب وعيانــــــي*** غابواعني أحباب من كـــانوا في الجار
ماعنديش احباب ضركة تعنــينــــي*** لا صديق نـــــحدثوا ناصــح دبـــــــار
ياحسراه رفاقتي غابـــوا عنـــــــي*** ونساوا العِــــشْرة اطويلة مـن لعْمــار
راني جيت احذاك انفاجي حــزنـي*** حتى يــــــاتـي خــالقـي ليــنا بِفْجـــار
لكن راه أضــعاف ضوك حيرنــي *** وزادت هـــــــزْمتْني دموعك بالتغزار
قالت ذركة انحدثك ياسايلنـــــــــي*** تِعْذرْني كي اِنْعَود عـــــــليك الأخبــار
أنا عندي احبيب راه امعاشرنـــــي*** فناّلي عمـــــــري و كوّانـي بالنــــــار
الخيط اللــي راه شاعـــل ذوبنـــــي*** ندمت على عشــــــرتوامن شاو أنهار
بعدن سكنتــــوا امعــــايا عذبنــــي*** مانحسب الحــــــبيب يرجعلـي مكــار
شعل فـــــيا نار راهــــا حرقتنـــي*** ويِثَنْثَرْ جمـــــــرواعلى جسمـي قطّـار
دمعي ساخي مارحمنــي وعتقنــي*** شفيت العـــــــديان وحبابــي والجــار
ماقعدتلـي قا دقايـــق ويْفَنِّــــــــــي*** لا فكــاك ايفـــــــكني ولا نعــــــــــار
امــا انتايا راك سالـــم متهنــــــــي*** امرك بين ايــــــديك تفعل ماتختــــار
متحرر من كـــل ضيـق وتحزانــي*** ونا مــــــــصيري مع الخيـط الغــدّار
ياشمعة اللي ذوبك راه يعانــــــــي*** قبل اللا يــــــــذيك شعلوا فيه النــــار
امشوط محروق قافحـــمه يِِسْنــــي*** يفنا معاك بــــــــلا زيــــادة لا توخـار
كفي دمعك ياشمعـــة يكفينـــــــــي*** ونتــــــــوما لثنين راكـــم في لضـرار
كل لا خر بمحاينـــــوا راه ايعانـي*** واحد دمعـــــــوا فاضحوا واحد صبّار
اللي كاتبها المـــولى تاتينـــــــــــي*** وياتيكم مـــــــكتوبكم بـِـْـــذن القهـــار
هاذي خلق الله كامــــل اتعانـــــــي*** واللي في الدنيا مايســـلم من اضـرار
اللي صابر فوت الدنــــيا هانــــــي*** ومادامت شدة علامـن في لعـــــســار
كيما قال الشيخ عبـــــــد الله ثانـــي*** ( الدنيا من شاوهــا لعقـاب امــــرار
(تتقلب بقــدار امــــــــر الفوقانـــــي*** ولا تقنط ياخاطــري ساعف لقــدار )
أَلْهمْنا حسن الصبــر ياخـــــالقـــني*** ولا تجعلنا من الــــــعباد اللي كفــار
وصلـى الله النابـــــــي المدانـــــــي*** محمد رسول الله طيـب لـــذكــــــار
الإدريسيــة سكنتـــــي وعنوانـــــي*** الشاعر هزيـل ناظـــــم ذا التعـــبــار
والنسبة معروف للــــولاد ام هانــي*** سيدي ثامر جـــدنا فـــارس مغــوار

هذه قصيدة لشاعر الإدريسية/الجلفة الكبير هزيل الهزيل

مدير عام المنتدى

كم اشعر بالسعادة وانا اقرأ ما كتب وغنى فى الشقيقة الجزائر شكرا لك على تقديمك لمثل هذه القصائد ثم شكرا لك على انك قد عرفتنا على ثقافات اخرى وخاصة الثقافة الجزائرية
لك منى كل تحبة وحب وتقدير
محمد ضباشه

» طبق اليوم * كباب الجزائري *
» وجبة السحور الجزائري
» لوحات فنية من التراث الجزائري
» من روائع الترات الشعبي الجزائري
» طبق اليوم البوراك الجزائري بصحة وهنا