محمد ضباشه
مدير عام المنتدى
 | | موضوع: عشانا عليك يارب الأربعاء أبريل 07, 2010 10:43 am | |
| عشانا عليك يارب
محمد ضباشه
عشانا عليك يارب
تنزل علينا المن والسلوى
وتاخد اللى فى بالى
وتفرق على محاسيبه كام بلوى
وحسابهم عندك احنا عارفينه
ما هياخدوا فى بطنها غلوى
وساعتها يفتكرونا ويقولوا
ياريتنا كنا قدمنا بدل الوعود حلوى
الناس جعانه ومش عارفة
لعيشتها أى حساب
ناس نايمة على الآرانب
وناس بتدور على قبقاب
وناس أراضى ومصانع
وناس عشتها هباب
وناس سرقوا قوتنا وعشمونا
وعشمنا فيهم خاب
وناس ركبوا كراسى على اكتافنا
والكرسى ليهم طاب
نسيوا كل وعودهم
وفرقوا النفحة على الاحباب
واحنا ياما صبرنا
وصبرنا من حر جشعهم داب
جرونا ورا منهم
من خراب لخراب
وناس بتدور على دوى
يشفى حتى ألامهم
وناس ولو بالقليل
باعوا كل أحلامهم
وناس ذلوا النفس
لخسيس هو خدامهم
وناس ضاعت مع الضايعين
لآن الوهم قدمهم
وناس زهقت وصابها الخرس
ولعنوا جهل حكامهم
وناس حبينها كدا
وفرصة يحوشوا ملايين
وأعضائنا لجل المصالح
بقوا بيغيروا القوانين
واللى اسمه أيه موافقه
نعم كلنا موافقين
وأن حد عارض تسمع
شتايم وسب الدين
أدى صفوة المجتمع
عن حقنا نايمين
والغايه تبرر الوسيلة
والوسيلة باينه طين
لعارفين معاهم حساب
ولا فلوسنا رايحة فين
عشانا عليك يارب
يا معدل الموازين
| |
|
أحمد حسنى
نجم جديد
| | موضوع: رد: عشانا عليك يارب الأربعاء أبريل 07, 2010 5:50 pm | |
| اية الحلاوة دى يافنان اكتر حاجة بحبها الكلام اللى انت بتكتبة بصراحة شاعر ملكش حظ | |
|
محمد ضباشه
مدير عام المنتدى
| |
