ياللى أبتسامتك

ياللى أبتسامتك
شعر : محمد ضباشه


ياللى أبتسامتك زى نور الصبح
وضحكتك شمس النهار
وعنيكى هى دنيتى
بتريح قلب عاش محتار
صافيه بلون السما
لا فيها رموز ولا أسرار
بشوفهم ويا أبتسامتك
بيملوا عليه الدار
وأنسى معاهم كل عذباتى
ويخلونى أفوت فى النار
وتحلى معاهم دنيتى
وأترجم كلامهم الى أشعار
وفى ساعة العصارى أقعد
اغنيهم على المزمار
يسمعوها قلوب الاحبه
ويخلوا الحب يبقى قرار
مافى منه هروب
ويبقى جد ماهو هزار
وأطير بجناحى فى السما
وأقطف أجمل الازهار
أهديها لاحلى عيون
خطفت قلبى بالسنار
ورمتى فى شبك الحب
وقلب كله عمار
بساتينه حنين صافى
وشجرة ملان بثمار
وبحر عسل صافى
يشربوا من نبعه الاخيار
وجنه ماليها زى
لا فيها غيوم ولا أمطار
هاديه وصافيه مريحة
وروحها منوره انوار
بهديكى من قلبى كلمه
تحسيها بدون أفكار
أجمل من كلمة بحبك
وصادقة من قلوب ابرار