نسيت نفسى وياها

نسيت نفسى وياها
محمد ضباشه

خدتنى دوامة الايام
ونسيت نفسى وياها
وعدت سنين عمرى
وأنا ببنى قصرى جواها
وبساتين طرحها حبى
بتتراقص مع هواها
وعشت راهب على أمل
تاخدنى للجنه وياها
وأوفى لعيونها ندرى
شموع وأيديا مسكاها
وبساط من الفل على ارضى
وتيجان من الورد لبساها
وضى قلبى قناديل
تنور جنه سكناها
وتظهر لها حيى
وشوق فى قلبى خلاها
قدرى ونصيبى ومنايا
وأوفى بوعدى فى صباها
أنى أنسى فى حبها نفسى
وأحلى دنيا عيشاها
وما افقد الأمل لحظة
فى جملة لسه فاكراها
لو غدرت بنا الأيام
هى حبيبة قلبى ما أنساها
ويكفى أنها فى قلبى
وأعيش راهب لذكراها

وعشت راهب على أمل
تاخدنى للجنه وياها
***
وأوفى لعيونها ندرى
شموع وأيديا مسكاها
***
قدرى ونصيبى ومنايا
وأوفى بوعدى فى صباها
***
وما افقد الأمل لحظة
فى جملة لسه فاكراها
لو غدرت بنا الأيام
هى حبيبة قلبى ما أنساها
ويكفى أنها فى قلبى
وأعيش راهب لذكراها


***
هذه مما أخترت و أعجبتني
سيدى تمعنت في كلماتك و تأملت في معانيها السامية فوجدتها تشدني بقوى و شوق
كم هي رائعة عبراتك حتى اني اقتبست منها
ألف باقــة شكر للصدفة الجميلة التى جمعتني بذوقك الإبداعي
دمت بجمال لافت