لا يا قلبى

لا يا قلبى
محمد ضباشه

بقى يا قلبى مش كفاية
لعبهم بالهوى وبيه
وفتحوا فى قلبى جراح
وباعوا وأشتروا فيه
ونسيوا حبى لهم
اللى كنت شايله فى عنية
وقفلوا باب قلبهم
ورجعوك حزين ليه
غدارين والله حبايبك
كنا من غيرهم مرتاحين
طمعونا وعشمونا بحبهم
وسابونا أنا وأنت مجروحين
غدارين حتى فى حيهم
دول جرحونا بكدبهم
وسهرونا فى بعدهم
وعذبونا بهجرهم
لا يا قلبى كدا كفاية
أنسى الحب اللى كان
جوه قلب خلى بحبك
غدار وماله أمان
كنت محتاج منه أيه
حضن مليان بالحنان
ولا نظرة شوق بحب
تملى عليك المكان
ولا كلمة تاخدك بعيد
تسكن جنب القمر
أهم سابوك ويا الجراح
تداوى فى الليل والسهر
وتسيب فكرك معاهم
وتفتكر أنهم راجعين
وهمة ناسينك يا قلبى
ولا لهواك فاكرين
ولا حتى يأنك حبيبهم
ولا للجراح حاسين
ما أنا قلت لك
كنا من غيرهم مرتاحين
وأوعى تفكر فى اللى باعوك
وطلعوا اصلا غدارين