مصر النهاردة بتتولد

مصر النهاردة بتتولد
محمد ضباشه

مصر النهاردة بتتولد
وبكرا يبقى الفرق كبير
بين حكم فاسد ومستبد
ظالم وما عنده ضمير
وشباب وثورة بنية صادقة
نيتها والله التغيير
وكشف فساد حكومات عديدة
أكبر ما فيها ضرير
وترسم ملامح مصر الجديدة
من قلب ميدان التحرير
----
فى البداية قلنا لا
لحزب عاش فكرة بغباء
زور وورث الكراسى
وكتب على الشغب العناء
تحت مظلة نظام عقيم
كداب وما عنده ولاء
مدينا أدينا له بحب
لقينا فى عنيه العداء
فتح نيرانةوقتل بظلمة
قلوب مليانه طهر ونقاء
------
كل ذنبهم بيحبوا مصر
وفى عصر طالع للأدان
الله أكبر على كل ظالم
والكره لينا مالى الميدان
وعسكر وغدر والأمر أضرب
ونار ودم قافلة المكان
ورصاص بيسرق أرواح بريئة
قالوها سلمية فى أمان
وشكوى معاهم طالعة السما
وهمة بين يدى الرحمان
بيقولوا يارب أشهد عليهم
سرقونا وخلونا عميان
وكل ده علشان مبارك
يفضل فى البلد سلطان
----
والحاشية تكبر والناس تموت
فقر وبطاله ورا كل باب
وسجون تكرش بناس أمينة
جلادها هو سيفين وكاب
والتهمة باطله والذنب قالوا
سب فى نظامنا ليه وعاب
وأحنا الكبار وما حد غيرنا
حامى حماه ويا الصحاب
أحنا النسور وأحنا النمور
وأحنا الصقور وأحنا الذئاب
أحنا الملوك وأحنا الكراسى
وأنتم خراف وأنتم كلاب
------
أحنا سادتكم وأنتم عبيد
ولازم نسقفوا للنظام
ومهما عملنا واجب عليكم
تقولوا حاضر تغظيم سلام
نشيل مبارك نجيب جمال
برج الحكومة مليان حمام
والمجلسين طبعا معانا
دول حزب وطنى وكله تمام
تقولوا لا تقولوا نــــــــو
كل كلامكم يا دوب جرام
ما بساوى حتى كيلو حديد
ولو أنت فاهم طب قولى كام
مليار جنية سرقوه صحابى
اللى كل أموالهم حرام