يا بتوع القوانين

يا بتوع القوانين
محمد ضباشه

نفسي أعرف يا بتوع القوانين
دم الشباب فى رقبة مين
أن كان فى رقبة مبارك
ياريت تحاكموه فى الحين
وأن كان فى رقبة العدلى
يبقى قتل لشباب ناشطين
مع سبق الأصرار والترصد
وأه كل العالم شاهدين
وهنا الأدلة باينة وواضحة
ومش محتاجة مننا لبراهين
أم مرؤوسيه بأطلاق الرصاص
على تجمع شباب واقفين
فى وسط ميدان التحرير
بيطالب بسقوط نظام الفاسدين
وكلها مطالب سلمية ومشروعه
وبأعلام مصر كانوا ماسكين
لا فى أيديهم سلاح بذخيرة
ولا عصا ولا سكاكين
قتلوهم ولاد الأيه
اللى قالوا له أمين
ومين حقنا نطالب بأعدامهم
ونبقى كدا بنطبق القوانين
اللى كانت بتطبق علينا
وساعتها نبقى لحكمكم راضيين
وياريت نعرف مين اللى نفذ الأمر
أن كان ضابط أو عسكرى وأمين
ونعرف ليه قتل أهله بجهله
وبعيون ما هم شايفين
مين هم اللى بيقتلوهم
مع أنهم من أجلهم طالعين
وكل أمالهم مصر تتغير
ونعيش كلنا على أرضها حلوين
وكمان هربوا من واجبهم الامنى
وما نعرف راحوا على فين
وتركوا البلد بلا أمن
وخلو معظم أهلنا خايفين

أكيد دى مؤامرة خيانه
وبأيه يا ساده نعاقب الخاينين
نلف على رقابهم حبل المشنقه
علشان يبقوا عبره للجايين