ثورتنا ناسها معروفين

ثورتنا ناسها معروفين
شعر : محمد ضباشه

ياللى ركبتوا الموجة حرام
ثورتنا ناسها معروفين
شباب وشيب الله يبارك
خرجوا منها منصورين
لا كان ليهم أيه أطماع
ولا كانوا شلة مأجورين
لا حد مولهم بقرش
ولا مدوا للغرب الأيدين
كان هدفهم تحيا مصر
وندفن ظلم السنين
لكن فيه منا ناس
قلوبها سودا وطماعين
ركبوا على الثورة فى لحظة
ونصبوا للشعب الكمين
اللى يدمر ويخرب
فى شقا ناس غلابة مطحونين
واللى يسرق عمر ناس
مشيوا فى بلدهم أمنين
واللى يقول أنا الدوله
وجنبه شلة نصابين
أيديهم عليها دمنا
وبيقتلوا فى الغلبانين
عاوزين يشدونا لورا
ويرجعوا لينا السلاطين
ويعود مبارك باسم تانى
وحاشية جانبة متقسمين
اللى يتاجر فى قوتنا
واللى يكوشوا على الفدادين
واللى فاكرها تكية أبوه
وطريقة باين كله طين
واللى علينا بيتدربوا
ويارتهم فى أى حاجة فاهمين
خلوا بلدنا ساحة حرب
وخلونا من غدرهم خايفين

ياللى ركبتوا الموجة حرام
بلاش كلامكم المغلوط
وبلاش فتن وبلاش تدمير
وبلاش كلام خلوها سكوت
وتعالوا نبدر ارضنا حب
وبالحب وحدة هيحيا الموت
وخطوه خطوه نروح قدام
ومن الصعاب طبعا هنفوت
ونشوف بلدنا ست الكل
والكل ليها يوطى الصوت