يا مصرى ياله بينا كلمات أغنية لـــ محمد ضباشه

يا مصرى ياله بينا
نبنى بلدنا بايدينا
ونخلى بكرا أحلى
وتعود كرامتنا لينا
قوموا بينا ياله هيلا
وصحوا معانا ضميرنا
دا دين واجب علينا
وبلاش نسمع لغيرنا
ياله وكفايه نوم
دا هوى الفساد عمانا
وعشش فوق كتافنا
وناوى يهد قوانا
وتعالوا نقول كفايه
ياللى سرقتوا بلدنا
وما سيبتوا حاجة لينا
ولا حاجة تنوب ولادنا
وعاوزين بأيدين قوية
نحمى مصر الفتية
من ناس بيدمروها
بالفتنه الطائفية
دى مصر يا خلق غاليه
صوتها فى ودانى عالى
بينادى على كل مصرى
أعدائى على الباب قبالى
عاوزينها ليهم تطاطى
وفى أيديهم يكون مصيرها
وبعد ما يمصمصوها
يرموها زى غيرها
ونرجع فى خرابنا تانى
ولمبارك بوش تانى
وحكاية هى هى
أظن أمريكانـــــــى
خلى عيونكم عليعا
دى مصر ياناس أمانه
فى أيدين المخلصين
من غير غدر وخيانه
ونقول ثورتنا نجحت
طيرى يا حمامه بينا
ونادى بأعلى صوتك
رجعت بلدنا لينا
وقولى للغاليه مصر
ما هنام عنك ثوانى
وأن حالوا يخطفوكى
هنرجع لميدانا تانى

سلم قلمك الرائع سيدي
جزاك الله خيرا