رسالة بلا عناوين

رسالة بلا عناوين
يرسلها : محمد ضباشه

رسالة بلا عناوين
لكل الساده المسئولين
اللى بعد الثورة شرفونا
وعلى كراسى الوزارة قاعدين
فى البدايه عواف عليكوا
نورتوا يا سادة الكراسى
واحنا احنا زى ما احنا
فى سفينة ملهاش مراسى
لا عاطل فاز بشغله
ولا الغلبان بقى أنسان
ولا العدل ميزانه أتعدل
ولسه جرح القلوب تعبان
ولسه جدران الأمان عشه
وتوب دايب نايم بردان
وناس واقفة ايديها لفوق
بتطلب من اله رحمان
تتعدل كل احوالهم
فى عشر امتار فى اى مكان
وكفايه حجج وكلام بطيخ
على المطالب الفئوية
ما ناس كتير ملهاش شغله
وهمه حزب الأغلبية
ايه اللى قدمتوه يا سادة
لكل الخلق ديه
غير حبة وعود ووعود
صحت اليأس فيه
الحقووووا سفن الغلابة
بشوية غرا ومسامير
وانقذوا ركابها من الغرق
لحسن برج عقلهم هيطير