مطالب الثورة
شعر محمد ضباشه
25-2-2013
عاوزين نعيش يا مرسى
ونمشى في البلد أحرار
ونجنى ثمار ثورتنا
بجد مش بهزار
خرجنا نقول العيش
وكرامة لأهل الدار
وديمقراطية نشوفها بجد
مش كوسة ولا خيار
وبحب تسمعوا رأينا
مش بالقسوة وضرب النار
على ثوار لهم مطالب
وحصار يجر حصار
بقوانين تقطع لسانا
وما يبقى ما بينا حوار
فين يا ريس مطالبنا
اللي ماتوا من أجلها الثوار
وفين لم شمل المعارضة
اللي عاشوها زينا بمرار
وفين حقوق الغلابة
اللي في بير وماله قرار
وفين مستقبل ولادنا
اللي شايفين طريقهم نار
وفين أنا وغيرى منكم
يا سادة يا أخيار
ربنا خلقنا بنى أدمين
مش بغله ولا حمار
