مصر يتنادى عليكم

مصر يتنادى عليكم
شعر :محمد ضباشه

نادتنى من بعيد
وهى متألمة
والناس مش شايفة بعض
وشوارعنا مضلمة
يا واد أيه اللى داير
الناس مبلمة
ماشين ييكلموا روحهم
ووجوههم معتمة
وعيون مطرها فيها
وألسنه متعلثمة
وأيدين صابها الرعاش
وشفاه متكممة
رديت وقلت يا مصر
الناس متعشمة
يشوفوا الخير على ارضك
والرايه معلمة
لكن كل اللى داير
الناس متقسمة
مابين سلطة غاصبة
بدقون متععمة
ومعارضة على الكراسى
بوجوه متبسمة
والاخوان بيدبحونا
بسكينه متلمة