في شرع مين يا نبى
شعر : محمد ضباشه
(مع خالص تقديري للنص الأصلي)
في شرع مين يا نبي
الظلم زاد على كوكبي
وجماعة في أيديها السلاح
وفى الميدان قتلوا الصبي
قال الصبي بقيت شهيد
والثورة لسه مشروع وليد
أنا فداكي يا ارض بلدي
لجل تنوري من جديد
م الظلم ليه تستغربوا
وم الحقيقة بتهربوا
أن مبارك شال أيدية
وأخوانا لسه بيلعبوا
أنا قلتها لكم من سنين
أخرتنا باين هتبقى طين
وده ثمن لسنين سكوتنا
وليه النهاردة نقول امين
الشعب كله محتاس ياعينى
وده يا ربى في شرع مين
المتهم حر وطليق
والدم باين على الأيدين
فين كرامة ولاد بلدنا
الناس الحلوه الطيبين
يعدلوا دفة سفينه
ما نعرف طريقها فين
