كان كلاااااااااااام

مدير عام المنتدى

كان كلاااااااااااااااااااام
شعر : محمد ضباشه

كان كلام بيروح ويجى
وكنا بكدا عايشين
حروف بترقص على نغم
كله حب وحنين
ماعرفنا يوم خصام
ولا كنا فى يوم هاجرين
كان كلام نسمة هوا
فى حر صيف للعطشانين

كان كلام مليان ايمان
بأننا فى الهوى عايشين
طيور بتحضن بعضها
وعلى بعض معششين
ليوم كلامها هان
وكان كل كلامى يقين
بأننا مهما افترقنا
بنرجع للطريق عاشقين

كان كلام يزرع امل
فى اراضى صحرا محجرين
الكلمة تزرع شجر
والبسمة تحوله لبساتين
والاه ترجع تطبطب
على قلب عاش مسكين
طب مين يقول الزعل
يمسح دموع حلويين