الجنية المصرى
ينعيه : محمد ضباشه
الجنية أنا بركبة
يدوب ياخدنى لخطوتين
أو تمن لكيس فيشار
أو ألوووو فى كلمتين
ولو ابنى طلبه منى
يقولى ماجبش كشكولين
والخمسة ورقة هايفة
تملى تسأل أنا بنت مين
رديت وقلت العشرة أمك
اللى ماتساوى جناحين
والعشرين حيران معاها
وغلبتنى لمرتين
مره ماجابت حتى فرخة
والتانية راحت فى سندوتشين
والخمسين يدوب لفرخة
وكنا فيها متعشمين
تجيب معاها كيلو رز
ونبقى بتنا شبعانين
والمية الله عليها
مرسوم عليها المدنتين
يدوب تروح فى حذمة
او لولادى شبشبين
يبقى فاضل فى العمله ايه
أكيد يا سيدى هى المتين
ولو فرض وجت معايا
يدوب تقضينى ليومين
