بلدنا الغاليه

بلدنا الغاليه
محمد ضباشه

بلدنا الغالية وست الكل
بقول للكل أكيد فى عنيا  
ولو خايفين على مصر تعالوا
وهاتوا ايديكم بقى فى ايديا
تعالوا نشق الصخر عشانها
والله جراحها مأثر فيا
ولو متضايق أو زعلان
ماشى ياعم الحق عليا
ولا عاوزينها فى يد عصابة
سلسلوا يدى وضحكوا عليا

لو خايفين على مصر تعالوا
يوم استفتاء الدستور
نقولها نعم وبحب كبير
لجل بلدنا تشوف النور
ونعدى خطوه لقدام
والعجله تنتج وتدور
ونشوف ريس من طينا
مصرى أصيل ويكون مشهور
بالاخلاق العاليه الاول
والوطنية فى دمة بحور
راجل عادل بين الشعب
لسانه عف ماقال الزور
مش زى اللى فتح لنا صدرة
وفى الاخر لقناه طرطور


لو خايفين على مصر تعالوا
وأوعى تخاف يا بن العم
من حبة خونه وارهاب
كل هدفهم مص الدم
علشان مرسى يرجع تانى
وترجع مصر تشيل الهم
وأهلينا ترجع أحزانهم
ونشوف تانى ايامه الغم
اللى حصدت أروح ابنائنا
من جهله وكلامة السم
وولائة لحبة اشخاص
ولتنظيم مشبوه ينضم