اسئلة مشروعة لرئيس مصر القادم

مدير عام المنتدى

اسئلة مشروعة لرئيس مصر القادم
يسألها : محمد ضباشه

مبروك عليك الكرسى ياريس
وياريت تسمعنى باستحسان
هتكون ايه البداية
الآمن والاخوان؟
وقطر وتركيا واوروبا
وبريطانيا والامريكان؟
ولا لك رأى تانى
وهتفهمنى كمان وكمان

هنستمر على المساعدات
وهيفضل اقتصاد البلد تعبان؟
ونقعد نرقع فى توبنا
ويبان جسد مصرنا عريان؟
ولا هتفتح مصانع وهيبقى
شبابنا وشيبنا مش بطلان
ومعاك ألاقى اللقمة
وبلدنا تعيش فى أمان

هلاقى مستشفى نظيفة
ومدارس تعليمها مش بهتان؟
ونشوف معاك العدالة
صاحية بأيدين شجعان
ولا هيكون كلام
ومصيرة مع النسيان
ماأنت عارف سفن الكلام كترت
وبحر الغضب مليان

هنشوفك بيد قوية
ولا هيكون قرارها جبان
وهتكون عنيك على كلنا
وهتشوف اللى مننا شقبان
ولا هتبقى زى اللى راحوا
كلام مايملى بطن جعان

هتزود الدعم ياريس
ولا هتشيله عن الغلبان
اللى ماعدش منه غير العظم
ونفس خارج غضبان
وكرة كتر الكلام
وميادينا له عنوان
وهتبقى ثورة جياع
تغلى فى نار بركان

» مواصفات الرئيس القادم لمصر