السلام عليكم ورحمة الله وبركاتة واللي معاك هاتة .. السيد الاستاذ المحترم الكريم اوجه اليك بعد التحيه وبعد السلام شويه حكاوي شويه كلام ويارب تسمعني بدون ما تقاطعني ولاتمانعني...ولو زعلت مني لاني قليت احب اقول لسيادتك سعادتك عبيط..ولوشايفني متعالي في ايدي سيجاري تيجي تحاورني لك لا أُبالي.....انا ممكن اسمحلك تقولي يا عمي تقولي يا خالي...بس اياك تسوق فيها وبأسم الدلع تناديني... وتقول دا الخال والد ......ودمي ودمك في شرايني...ارجوك يا سيدنا لو هتعملي ياباني هعملك هندي وهعملك صيني....فان دام تشوفني بروسلي تلاقيني...احب ابتدي معاك الحكايه من اولها... من اول ااااه في الدنيا تقولها... من بطن مامي كانت البوابه لسعادتك... نازل مقرفص تبكي تؤأؤأ ... شايف الدنيا واسعه فيها ملقلق... كنت شايف في عيونك نظرات قلق وخوف حسيت ساعتها كأنك تقول.. بدل ما عمري يجري ومشواري يطول(ممكن ترجعوني مكان ما كنت؟)...رجعوني حتي قبل ما تلبسوني هدمتي رجعوني حتي قبل ما تدوني هديتي رجعوني دنيتكم دي مش دنيتي.. دا برغم اني شايف في عيونكم الفرحه... شايف للحزن في وشوشكم أماكن كتييير طارحه ..شايف دموعكم ورا كل ضحكه ورا كل كلمه حتي مش فاهمها... شفت الدنيا في عيونكم دانيه وفانيه..ملهاش اي تلاتين لزمه..... شفتكم بتجروا فيها ومبتوصلوش لأي شيء.... شفتكم بتجروا في الجزمه...وتعبتوا من كتر الجري...سامع صوت قلوبكم وانفاسكم...سامع صوت خوفكم وألغازكم...شايفكم بتداروا حاجات كتيير وبتخفوها.. وساعات تشتكوا لطوب الارض والشمس والقمر والنجوم تعدوها....شفت ايامكم زي بعضها..شفت طولها شبه عرضها... فأرجوكم رجعوني ارجوكم.
بس انت خلاص بقيت زيك زيهم... وهمك مهما كان.. بيشبه برضه همهم... وحياتك زي حياه منهم كتير..مفيش اي جديد ومفيش اي تغيير... كلها ببان لشيء واحد وبنتجمع في الاخر.. فأنا زي زيك وكلنا زي بعض هنتجمع في الاخر.. مهما كان منا ناس عايشين حياه غيرنا.. عايشين علي كل شيء فاخر.. واللي بنشوفه احنا جميل.. بيشوفوه ساعات ساخر...مهما كانت احزان الدنيا وأواجعها..مهما غابت الفرحه ممكن نرجعها..مهما عانينا ومهما سكن الدمع في عنينا..مهما انكسرالامل فينا ..مش لازم نفضل نبكي علي حالنا نستني ميين يعطف وميين يحن علينا ..وميين يطبطب و ياخد بأدينا..كل دا سعادتك اساسا في زمنا مبقاش موجود.. فأوعي أحلامك سيادتك تتخطي كل الحدود...وان كان يا سيدي في وموجود!! متستناش حاجه من حد... يجي في يوم يفكرك بيها.. ويكسر جواك حاجات في نفسك كنت بتبنيها... سامعني سعادتك ؟؟...شكلك نمت؟ اوعي يكون مش عجبك كلامي.. عموما بقؤلك لك كل احترامي... وفي اخر الرساله بأقرأك السلام واستني رسايلي ورسايلك في ارجل كل الطيور واسراب الحمام .
والسلام ختام ESM.EBR
