مات الولد <<<<<<

مدير عام المنتدى

مات الولد

شعر : محمد ضباشة

مات الولد
مات اليطل
الكل قال عليه شهيد
والروح تنادى من بعيد
انا سيبتكم ودمى فى رقاب الجميع
أياك يضيع
زى الدماء اللى أرتوت بيها الأراضى
ما أنا مت راضى
أنا وكل الصحاب
ومهما حاولتم تقفلوا
يالالف ياب
روحهم معايا بتناديكم بالقصاص
ياللى ماعرفتوش ألم الرصاص
هما جايين يا بلدى يدمروا أرضك
وأنا فى عرضك
اللى قتلونا يا بلدى معروفين
ناس بيتمسحوا فى الدين
والله ناس خاينين
أحنا فى قلوبنا الايمان
وهما أنصار الشيطان
مضحوك عليهم بالخلافة
والامارة
يادى الخسارة
أنا ياأمة زفونى الملايكة
والارض سهرانة
ناسها بيبكوا علينا
ليه ياأمة زعلانة
جففى دموعك وصلى ركعتين لله
وقولى لعيشة خطبتى
أوعاها تقول الآه
مفيش نصيب يا حبيبتى
وكل اللى له نصيب يلفاه
المهم البلد ترجع
وشمسها تطول الكل
وتعيشوا ياحبايبى فى نعيم
وهما يدوقوا الذل

» ما يفعله الولد الصالح من الأعمال الصالحة فإن لوالديه مثل أجره