بدور على مصر

مدير عام المنتدى

بدور على مصر
شعر : محمد ضباشه

خرجت بعد العصر
أدور على مصر مالقتهاش
ولا لقيت النيل والهرم
سألت عنهم قالوا ما شوفناش
نزلت دموع العين على الخد تجرى
وكل دمعة بتلعن الاوباش
اللى سرقوا بلدى من حضنى
وباعوا حلمها ببلاش
والوالى فى القصر نايم
وعامل نفسه ماعرفناش
وولى عهده بيكمل الروايه
وفاكرنا ما فهمناش
ليه مصر اختفت ؟
وليه احنا ما عشناش ؟
وليه ولادنا يتامى ؟
واحنا على الارض ما متناش
وليه لغونا من حسابتهم ؟
وليه العدل ما نصفناش؟
وليه الديمقراطيه كلام على ورق ؟
وليه الوالى ما نفذهاش ؟
وليه حقوق الخلق ضايعة ؟
وليه روحنا ولا رجعناش
انا خايف تكون مصر راحت زينا
ليه بس ما خلتناش
نحميها ونحمى عرضها
وارضها ونيلها
وليه هى ما حمتناش
شالت على راسها اللى باعوها
لكن بالظلم ما بيعلاش
وان فرضنا انه على"
مسيرة فى يوم يروح وما يبقاش

بدور عليكى يا مصر
بعد العصر فى خيالى
عروسة متكحله ومتزوقه
وفى أيديكى شايلالى
فطارى وغدايا وعشايا
وحاسه بأهلى وعيالى
الديمقراطية عندك كتاب
له لعبه ولا تسالى
والعدل عندك ميزان
مافيش واحد فوق التانى
والحب عندك ايمان
فى قلبى وانت شيلانى
زمان وانا معاكى
لا فى يوم حزنت
ولا قلت اه يانى
لكن تاجك هدم عرشك
وخلى اهلك وخلانى
بندور عليكى ترجعى
وتطلعى لنا الشمس من تانى
اللى غابت كتير عننا
ورمتنى جوه احزانى

لسماع القصيدة اضغط على مربع التحميل بالاسفل

جميل بكل لغات العالم بعدد رمل الصحراء بعدد شهيق وزفير البشر جمعاء واللى نايم واللى صاحى واللى لسة بيؤول واء كلام صحيح صريح بس بيتكلم عن داء علشان يفوؤا الناس الاغبياء اللى مكبرين الدماغ خالص وعيشين فى كدب وزيف ونهب وسرقة ورياء

مدير عام المنتدى