محمد ضباشه
مدير عام المنتدى
 | | موضوع: سؤال ............... ؟ الثلاثاء أبريل 07, 2009 12:08 pm | |
| قصيدة : سؤال .... ؟
شعر : محمد ضباشه
-----------
سؤال ونفسى اسأله
وحد يجاوبنى عليه
أيه فايدة الحب
وأحنا نحب ليه ؟
ونغضب ونزعل ونتألم
وندوق عذاب لياليه
وليه قلبى حب
أنسان وكنت شاريه
أنام وأقوم بفكرى
وجوه العيون بداريه
فى قلبى عايش معايا
وعلى ضى القمر بناجيه
اكتب له أحلى الكلام
على ورق الورود وأهديه
وأعصر له حب قلبى
وفى كاس المحبة اسقيه
ولو نزلت دموعه
بقلبى أحضنه وأواسيه
وأتمنى منه الوصال
ومالاقى غير مأسيه
ويقولوا الحب حلو
وناره ساكنه فيه
تشعلل قلوب الأحبه
وقلوبنا موصوله بيه
فيه ناس تحب الحب
ولو بالدموع ترويه
وبجناحها تظلل عليه
وبقلوبها تحرسه وتحميه
وناس شايفاه ملاك
وتحكى لنا عن معانيه
وناس شايفاه عذاب
تقعد تلعنه وترميه
وفى الأخر اسمه حب
وما نعرف بأيه نداديه
نبعد ولا نقرب
ولا مستحيل نعاديه
أنا سألت سؤالى
تعرف أنت اجابته أية [img]  [/img]
عدل سابقا من قبل محمد ضباشه في الأربعاء فبراير 03, 2010 3:14 pm عدل 2 مرات | |
|
fofowagdy
| |
محمد ضباشه
مدير عام المنتدى
| |
