قصيدة : ما بلاش لف ودوران

مدير عام المنتدى

ما بلاش لف ودوران
شعر : محمد ضباشه

ما بلاش لف ودوران
وقلى بصراحة ما تخبيش
وخليك واضح معايا مره
ولا الصراحة عندك ما فيش
ولا أنت أيه بتتسلى بيه
وبالقونطة عاوز تعيش
روح يا شاطر اللى انته عاوزه
مهما تقولى ما تلاقيش
ولا أنت فاكرها سايبه
أنا فى المياعة ياواد ماليش

سمعتنى كلام كتير
وكلامك عندى ما يساويش
ومهما قلت أنى بحبك
كل ده ما يهزنيش
ياريت تفوق با أبنى لنقسك
وياريت تسبنى ما تخلنيش
أنت عارف وأنا عارفه
ناس تخاف ولا تختشيش

ممكن أحبك وأحس بيك
وأقول حبيبى وما تتنسيش
لو أنت فعلا ميال لقربى
وفى الحلال طالب نعيش
ومهما كنت هبقى راضيه
وأى حاجة ما تهمنيش
بس كن صريح معايا
ولسكة تانيه ما تودنيش
هتلقينى ما بين أيديك
وبينا السعادة ما تنتهيش
لسماع القصيدة اضغط بالاسفل

مشرف عام

نرتسم احلامنا ولا نجد الا لوحات
مرسومه علي جدران قلوبنا
تلومنها دموع عيوننا وبعض الاهات
فالحلم روح
الحلم همس
ولكنه جرح في بعض الاوقات

مدير عام المنتدى

شكرا ليكى بسمة على كلماتك الرقيقة وتشرفت بمرورك الطيب العطر واسعدنى تواجدك اتمنى مزيدا من ابداعاتك وجزاك الله خيرا

مدير عام المنتدى

اهلا بكم

» قصيدة :غريب
» قصيدة / كم قلتها
» قصيدة طوابير
» قصيدة :يا نسمة
» قصيدة بحبك