ما يهمـــــــــــــــــنى

مدير عام المنتدى

ما يهمنى
شعر : محمد ضباشه

قولى فى كلامك بس ايه هيغرنى
ولا انت فاكر ان الحروف هتشدنى
مهما كتبت ما فيش قصيدة هتهزنى
ما أنا ياما قبلك اللى منهم حبنى
وكلام بشوق زى العسل ما همنى
وانت جاى تقولى تانى بتحبنى
طب حب ايه اللى انت عاوزه يجرنى
فى سكة ضلمة اكون معاك وتضمنى
و أيه كمان ممكن ساعتها يضرنى
وأرجع بحسرة وسهر ليالى تهدنى
خدها من قصيرها أنا مش بايره هتلمنى
كل كلامك فى الحقيقة ماله معنى وغمنى
أنسى يا شاطر وبلاش كلام يحرنى
أنا لا شوفتك ولا أنت حتى شوفتنى

مدير عام المنتدى

فعلا والله بنت جدعة لما تقول ما يهمنى
يارب تعجبكوا