محمد ضباشه
مدير عام المنتدى
 | | موضوع: خلاص افترقنا الإثنين مارس 22, 2010 9:23 am | |
| خلاص افترقنا
خلاص افترقنا وانكتب علينا البعاد
وخد معاه كل القساوة والعناد
وما عاد ما بينا ذرة وداد
حتى الحب راح ما عاد
ومشينا فى سكة عتمة مضلمة
وصرخة القلب خارجة متألمة
حزينه بترجف من البكاء
صعبان عليها يكون فراق
اللى موت فى القلوب معنى الصفاء
معنى المحبة والوفاء
وبخاطرنا روحنا للفراق من جهلنا
ويا خسارة روحنا لوحدنا
وشفايف نسيت للكلام
والدمع نازل من العيون يشكى الألام
ما حد فينا قال بلاش
نرجع الحب اللى عاش
لكنه فى لحظة هان
هان عليه حتى الامان
الورد غضبان على الشجر وشوكة نار
حزين على الحب اللى طار
واتغلى فى نار الفراق وصار بخار
والشمس ليه النهاردة حرارتها حامية
والرسايل نفسها من الحر قايمة
عاوزه تبكى على اللى راح
على الكلام اللى انكتب وعبيرة فاح
ويا ريت فهمنا منها معنى الكلام
قبل ما يجينا الفراق ويقول سلام
ورجعنا والقلوب متحجرة
والرسايل على الارض حوالينا متبعثرة
والحقيقة لابسة قناع ومتنكرة
كل واحد مننا راجع من طريق
وقلوبنا ليه حاسة بضيق
وياريتها كلمة قلناها وخلاص
ما الفراق حصل خلاص
وبيدنا هدينا كل العمار
وخربنا قلوبنا قبل الديار
والزمن ضحك علينا فى ثانية
وحلف ما يعود لقانا مرة تانية | |
|
fofowagdy
| | موضوع: رد: خلاص افترقنا الإثنين مارس 22, 2010 3:53 pm | |
| محمد ضباشة كل واحد مننا راجع من طريق
وقلوبنا ليه حاسة بضيقوياريتها كلمة قلناها وخلاصما الفراق حصل خلاص================ دمت لنا قلما مبدعا حساسا تقبل مرورى لك كل تحية ماما فوفو وجدى  | |
|
محمد ضباشه
مدير عام المنتدى
| |
محمد ضباشه
مدير عام المنتدى
| | موضوع: رد: خلاص افترقنا السبت يونيو 19, 2010 11:50 am | |
| | |
|
