انا الساحر

انا ساحر عقول الناس
محمد ضباشه


أنا ساحر عقول الناس
وأنا الحاكم وأنا السلطان
وأنا أراجوز بيتعفرط
على حتى ملوك الجان
أخبى النيل أنا فى كمى
وما حد له عليه حساب
وأبيع الشمس والقمرا
وأعمل من الفسيخ عناب
وأخلى الكل يتاطى
وماليه فى البلد احباب
وبعشق سلطة سندانى
وخليهم يقولوا شاب
طب مين فيهم يقرب لى
أو يفتح عليه الباب
دول فيران يا أبنى
والمنفوخ فيهم كداب

أنا الحاكم وانا السلطان
وكل الارض سيعانى
ببلع كل اللى يكرهنى
وكل الخلق شيفانى
وبحبس اللى متعافى
وأنسف اللى باعونى
انا الواحد ومتسلطن
ومهما الكل لامونى
وكرسى الملك فى يدى
وما تقدر قوه تنزلنى
انا القانون وانا السلطة
ومافى قوه تعدلنى
لازم تهتفوا بأسمى
وتبيعونى فى كل مكان
وسيبكم من ولاد الكلب
اللى فاكرين أنهم جدعان
وأوعوا تاكلوا من كلامهم
دول معيز وفيران
وبلاش اقول اسماء
انا بقصد فلان وفلان
هيجوا ايه جنب الساحر
اللى بقاله سنين
ونافش ريشه على الاخر
ايام ما كانوا حافين
أنا أبن الباشا عارفينه
وعارفين همه مصيرهم فين
وعارفين الساحر وجلالته
طب هو يطلع مين