ملوخيه على الطريقه المصريه
الشوربه:
ملعقه صغيره ملح
ربع ملعقه صغيره فلفل
فصين مستكه وفصين حبهان
الطريقه تغلى الماء وضعى فيها المستكه والحبهان والملح والفلفل وبصله وطماطمايه صغيره
ولما يغلى الماء ضعى اللحمه او الفراخ حسب الرغبه
ثانيا مكونات الملوخيه:
ملوخيه خضره .. يعنى طازجة
نص ملعقه شاى كزبره ناشفه مطحونه
6فصوص ثوم
الطريقه:
تقطف الاوراق قفط ثم تغسل جيدا وتترك لتجف على ورق جرايد أو ورق يمتص البلل .. واتركيها حتى تتخلصي من الماء الزائد عليها ... ( راعي عدم تعرضها المباشر للتكييف او الهواء الساخن ... لانها ستتعرض للجفاف ولن تصلح لهذه الوصفة (
تخرطى الملوخيه جيدا بالمخرطة
تضعى 2 كوب كبير شوربه فى الحله
تضاف الملوخية بعد تخريطها
ترك على النار حتى تنضج لمده 10دقايق حتى تمتزج الشوربه مع الملوخيه
ملاحظة هااامة ( لاتتركي الملوخية تغلي ابدا ... لان ذلك سيؤدي الى انفصالها عن الشوربة)
طريقة عمل التقلية:
بعد ذلك تدقى الثوم مع الكزبره والملح
وتحمريهم على النار فى ملعقه زبده او سمنه
بعد ما يبقى لونه زهبى تطفى عليه
وتضعيه على الملوخيه وتقليبيها جيدا.. وياسلااام على الريحة والطشة ....
ملحوظه مهمه جداجدا .. أهم من الأولانية
لا تقومى بتغطيه الملوخيه اتركيها حتى تبرد وبعدين غطيها او فضى فى الاطباق على طول
ولو بتطبخى بدرى ييبقى لما يجى ميعاد الأكل ابقى سخنيها لكن متغطهاش اول ما تطبخيها عشان مترقدش فى الحله وتبوظ
اتركيها مكشوفه لا تنسى ولما تبرد غطيها
طاجن الأرز المعمر
المقادير :
كوب من الأرز المنقى ومغسول
2 كوب لبن
2 ملعقة سمن
ملح و فلفل
ملعقة قشدة للوجه
الطريقة :
يغسل الأرز جيداً و يصفى من الماء
يوضع الأرز في إناء و معه السمن و كوب من اللبن
نقوم بخلطهم جيداً باليد
• يدهن طاجن فخار أو صينية دهنا جيدا بالسمن .
• يوضع الأرز فى الطاجن و يصب فوقه اللبن المتبل بالملح و الفلفل و يزج فى فرن متوسط الحرارة حتى يقرب من النضج لمدة 25 دقيقة -35 دقيقة
.
• توزع ملعقة القشدة على السطح و يعاد الطاجن للفرن حتى يتم نضجه و يحمر وجهه و يقدم ..
المقبلات
باذنجان بالخل و الثوم
المقادير:
1 كيلو باذنجان
5 فصوص ثوم
2 ملعقة شاي خل
3 حبة طماطم مقطعة
2 مكعب ماجى
فنجان مرقة دجاج
بقدونس
شطة
الطريقة:
- قطعي الباذنجان شرائح و اقليه في الزيت الى ان يصير لونة ذهبى
- حمري الثوم فى قليل من الزيت حتى يصفر , اضيفي الطماطم و قلبي حتي تتسبك .
- اضيفي الخل و الماجي و المرقة , أخيراً اضيفي الباذنجان و اتركيه علي نار هادئة حتي يتشرب الصوص .
- اضيفي كمية صغيرة من البقدونس و الشطة و قدمي الطبق ساخناً .
قطعى الفلفل الاخضر الكبير و ليس النوع الرفيع الحارق
اقلى الفلفل الاخضر فى الزيت حتى يذبل ويستوى قليلا ثم صفية من الزيت
فى صينية ضعى ملعقتين كبار زيت و ملعقة كبييييييرة ثوم مفروم( و ليس مطحون ) ثم قلبيهم على النار
الى ان يصير لون الثوم ذهبى فاتح
ابعدى الاناء عن النار و اضيفى ربع كوب صغير خل و قلبى ((((((الرائحة تجنن )))))))))
ضعية على النار مرة ثانية و اضيفى ملح و فلفل و الباذنجان و الفلفل المقليين و قلبى و اضبطى الطعم
اضيفى ترنشات (حلقات طماطم ) على شكل دوائر و هدى النار و غطى الاناء لمدة عشر دقائق ولا تضيفى ماء
الحلو يا حلو
كنافة بالقشطة
المقادير:
1/2 كيلو كنافه
كوب سمن سايحه
للقشطه:
2 كوب حليب
5 ملاعق كبيره دقيق
كوب قشطه
للشربات .. القطر يعنى
1/2 1 كوب سكر
3/4 كوب ماء
عصير ليمونه
فانيليا
الطريقة:
تحضير القطر:
نخلط مكونات القطر كلها في اناء ماعدا الليمون و الفانيليا
نضع الاناء علي النار الهادئه و نتركه حوالي 10 دقائق
نضيف الليمون و نتركه يغلي قليلا ثم نضيف الفانيليا و نبعد القدر عن النار و نتركه ليبرد تماما
تحضير القشطه:
ندوب الدقيق في الحليب علي البارد
ثم نرفعهم في اناء علي النار حتي يسمك الخليط هكذا
نبعد القدر عن النار و نضيف القشطه و نقلب جيدا حتي يتجانس الخليط تماما
و تصبح القشطه جاهزه
تحضير الكنافه:
- تفتت الكنافه و تفرك جيدا بالسمن السايح
- ندهن صينيه بالسمن
- نضع نصف مقدار الكنافه
- نضغط علي الكنافه الموجوده في الصينيه جيدا جدا باستخدام صينيه اخري اصغر منها
- نرش مقدار من السمن السايح
- نغطي الكنافه بطبقه القشطه (مع الابتعاد عن الاطراف)
- نضيف النصف الآخر من الكنافه المفروكه بالسمن و نضغط عليها مرة اخري
- نرش مقدار جيد من السمن السايح
طريقه الخبز:
ممكن تخبزيها في الفرن عادي و تحمري الوجه
و ممكن تخبزيها علي سطح البوتاجاز
يعني تحطيها علي البوتاجاز و لما تلاقيها اتحمرت من تحت تقلبيها في صينيه تانيه
و اول ما تستوي و تكون ساخنه جدا ترشي عليها القطر البارد
و لازم تسيبيها تبرد خالص قبل التقطيع علشان ما تتفتتش منك
مع تحياتى
الطير المغرد
