انا مصرى عربى فلسطينى

أنا مصرى عربى فلسطينى
محمد ضباشه


أنا مصرى عربى فلسطينى
مسلم مسيحى يهودى قابض على دينى
لا بعرف لغة النفاق وعايش بيقينى
أن القدس عربية وشايفها قصاد عينى
بتقول للصهاينه مهما تعملوا فينا
ومهما قتلتوا ولادى وجبتوا الخراب لينا
ومهما استشهدوا شبابنا والحزن مالينا
فيه فى العالم مين غير الصهاينه أعادينا
وكل أهل الديانات فى عقيدتهم مربوطين بينا

ليه تفرقوا الآديان وكله دين واحد
والانبياء اخوات ارسلهم أله واحد
ومضمون كل الرسايل ان اعبدوا الواحد
ولا تشركوا بالله ما توحد الواحد

شارون بارك نتينياهو مجرمين حرب
كل سياستهم تدمير ونازلين فى بلادنا ضرب
حمياهم أمريكا ومعظم بلاد الغرب
واحنا يا عرب بنتخانق على كرسى
وضلينا الطريق وما لينا اصلا درب

وحكامنا واخدينها سياحة ما بين مؤتمر وبين قمة
اللى لابس بدله واللى حاطط على الدماغ عمة
وكلام فى كلام ضيع من عزمنا الهمة
لحد أمتى السكوت والنبى دا عدل بالذمة

وعباس وهنيه قاعدين واكلين شاربين
والضفة وغزه متمرمغين فى الطين
نفسنا حد فيهم يشبة صلاح الدين
ويشد عزم الرجال وتعود معركة حطين

لو فيه ضمير عربى كان كل شيئ اتحل
لكن من ستين سنه احتلال واحنا محلك سر
وشعب مسكين فقد قوته وعاش محتل
؟
؟؟