نهارك مبارك

نهارك هو هو
يا سيدى نهارك مبارك
عليك وعلى اهل بيتك
وعلى صاحبك وجارك
وعلى كل طايفة
مخنوقة من قرارك
بطول يومك معانا
وكانت جيرتنا دارك
نهار مفروض علينا
ريحته عرق وطين
نهار طول عمرة يكرة
سيرة الشقيانين
وهواه يلسع قفانا
وخلانا مبلمين
ضلينا فيه طريقنا
ونسانا احنا مين
نهار مبروك عليكم
يا أصحاب البطون
واصحاب المعالى
واصحاب الدقون
وأصحاب الارانب
وكل شيىء يهون
ولآصحاب الفراخ
احنا أيش نكون
نهار جميل مبارك
يا ريتنا ما عشناه
ولا عشنا ساعة واحده
وبجهلنا شوفناه
نهار طويل علينا
وقدرنا واحنا معاه
تمر ذكرى ليوم
بكينا فيه الاه
نهار هواه نظيف
ونضافته زى الفل
وشمسة طالعة باهته
ومزهقة الكل
ورامية طوبتنا خالص
لما السليم اتشل
ومريضنا راح فطيس
لما فى طريقهم ضل
نهار فساد فى ليله
والناس مش مرتاحين
بيقضوا ساعاته فى حيرة
وياريتهم شبعانين
مطلوب منهم حاجات
وأنتوا أكيد شايفين
الناس فى نهارها وليلها
على اللقمة رايحين و جاين
وحاجات مش ناوى اقولها
مفترض انكوا عارفين
نهار رقص ودلع
ومزيكا على القانون
فيه ارسم قمر
وكل الناس سكون
واه كله فى الحنان
وكله من الفنون
المهم اكون انا
ولا ناس ولا يحزنون
ولا حرية تمشى
ولا أى شيء يكون
الا
والا
والا
والله يكون فى العون
تسرقوا نصيب الغلابة
وتملوا بيه البطون