اللى باعوا مصر

مدير عام المنتدى

اللى باعوا مصر
شعر : محمد ضباشه

عجبي على اللى باعوا مصر
علشان يحوشوا الملايين
واستبدلوا الوطن بالقصور
وهمه مش فاهمين
أن الوطن أغلى وأعمق
وياريتهم للقيم عارفين
أصبحوا قيمتهم رخيصة
وبقوا فى نظرنا نشالين
اللى باعوكى يا بلدى
خونه وناس فاسدين
كان ولائهم لذاتهم
وبيكى ما كانوا حاسين
ولا كان يهم وجودك
حضارتك اللى بقالها سنين
تلاتين سنه حكمونا
وعلى راسك كانوا قاعدين
يدورو على اللى باقى منك
لحد ما بقوا واطين
عبدوا الدولار والدينار
وعنيهم على الفلوس باصين
المهم تكبر بطونهم
وبأى وسيلة سارقين
خيرك ونيلك وأرضك
وعرضك وعرق الشقيانين

اللى باعوكى يا مصر
كانو لآهلنا كارهين
وكانوا ياما يبعدونا
ورجعنا نقول اسفين
لأن حبك أيمان
وأنت درة الغاليين
ضمانا فى دفا حضنك
ولو توهنا نرد لك فى الحين
وأحنا اديكى وعنيكى
بنصحى اللى مننا غافلين
تعالوا نرجع مصر لمكانتها
ونشوفها أجمل الحلويين
واللى فسد أه راح
مسجون مع المساجين
وبقى عارف طريقة
واحنا طريقنا فين
نمد أيدينا لبعض
ونبقى كلنا شاهدين
أن الفساد عمره قصير
والدهب ما يلوثة الطين
طول ما مصر فى قلوبنا
عمال مع فلاحين
وشباب وشيب وفكر
لآخوانا المثقفين
أقسم لك وصدقينى
وأحلف لك بكل يمين
بأنهم خونه ما يستاهلوا
نقول عليهم مصريين

نائب مدير المنتدى

مصر اغلى من كنوز الدنيا
مصر اغلى من كنوز الدنيا
مصر اغلى من كنوز الدنيا
بحبك يا مصر بحبك يا مصر
بحبك يا مصر بحبك يا مصر

مدير عام المنتدى

سمراء العرب
الاخت الفاضلة
تحياتى لكى وأتمنى أن تكونى بخير وفى أحسن حال
شكرا لمرورك العطر وطيب كلماتك
محمد ضباشه

» اللى يحب الحياة
» مبارك أيه اللى نسامحة
» أنا اللى قلبى معذبنى
» اللى يحب تملى بيسأل
» توفت اللى رحمه الله تعالى والده الاستاذ محمد ضباشه