اللى يحب تملى بيسأل

مدير عام المنتدى

اللى يحب تملى بيسأل
محمد ضباشه

اللى يحب تملى بيسأل
وبيطمن على أحبابه
وبتلهف على اخبارهم
وبيتألم يوم لغيابه
وأنت حبيبى ما بتسألش
واليوم فى بعادك سنتين
لا أنا عارف حتى اخبارك
ولا عارف قلبك راح فين
هو الحب يا روحى تسالى
وبنتسلى أحنا الاثنين
ومهما غبت ما يأثرش
وقمستى الطريق طريقين
لو بتحب حبيبى أطمن
زى ما دايما شاغل بالى
دايما أسأل وما بتردش
وقاصد تشقلب أحوالى
لو بتجرب فيه الحب
أنا والله بحبك موت
من أول ما رسمنا قلوبنا
بأدينا على شجر التوت
ولا نسيتى حبيبتى كلامك
ونسيتى عهدك ويايا
أنى دايما جوه فى قلبك
زى ما عايشه أنت جوايا
ولا خلاص موتى الحب
ورمتى أطلاله ورايا
وعلشان كدا ما بتسألش
وسيبانى لحزنى وأسايا

نائب مدير المنتدى

استادي محمد ضباشه

رائعة هي حروفك جليلة هي كلماتك

نابض هو احساسك بشجن الكلمات

دوما لك شذى وعبير خاص يملء

تلك الصفحات البيضاء رقى وشذى

دام لك هذا القلب الصادق النقى
ودمت بحفظ الرحمن
سمراء العرب

مدير عام المنتدى

سمراء العرب شكرا على مرورك
وعلى تواجدك المستمر على صفحات المنتدى
والف مبروك لترقيتك مراقب عام المنتدى
تحياتى
محمد ضباشه

» اللى باعوا مصر
» اللى يحب الحياة
» مبارك أيه اللى نسامحة
» أنا اللى قلبى معذبنى
» توفت اللى رحمه الله تعالى والده الاستاذ محمد ضباشه