الورد (عم بيرم التونسى )

في كل عام للورد اوان .. الا النســـــــوان
بقدرتك نابتين الـــوان .. ابيض و احــــمر

وانت اللي تعلم وان اجهل .. فيه ايه اجــــــمل
من دي الخدود اللي لا تدبل .. ولا تتــــغـــــــير

ودي العيون اللي اشهد لك .. بها و اسجد لك
دي خلت الطاغي انقاد لك .. والمتكــــــــبر

والشفتين اللي فالقهم .. كنت خالقـــهم
للابتسام و لا لازقهم .. دانت تحـــــــير

بذمتي انت اللي جاذبني .. يا معــــذبني
و ياللي ذوقك يعجبني .. لما تصــــور

لك صنعه في العين و الحاجب .. بيها تتعاجب
وتقول وجود الله واجب .. مين بيه يكفر

ولك قوالب للاجسام .. غلب الرســـــام
يقلدك بحجر و رخام .. يلقاك اشـــــطر

يا ست يام زناق محبوك .. وقميص مفكوك
حطي على القلب المشبوك .. ايدك يعمــــــــر

ويام نص ملايه حرير .. و النص يطــــير
على الكتاف انا عقلي صغير .. غطى المرمر

وياللي ساقـك يسوى رقاب .. حارت الباب
في لون حقيقته ان كان بشراب .. و لا مقـــــشر

و ياللي خصرك له حركات .. تقفل شركـــات
ويضج منها داوود بركات .. لمــا يحــــــــرر

وياللي لابسه لي جوانتي .. اربعــــــــــه سنتى
على ايه خفيتي و بينتي .. في اللي ما يظهر

و ياللي بالدراعات تمشي .. و لا تحتــــشمي
متشمره لي وما اقدرشي .. عالمتــــشمــــــر

و يام شمسيه عايقه .. على فين سايقه
يا مركبه الورده اللايقه .. ع المتشــــــجر

هواكي الياسمين هافف .. و حلق رافف
يصافح العقد اللافف .. على دى المنحر

يا مسلمين الله يا حريم .. انا مالي غريم
غيركم اروح وياه في جحيم .. يوم المحشر

الدنيا و النسوان خلاص .. و الراجل لاص
لا طبله تـنفع و لا بلاص .. لو يتكــــسر

مدير عام المنتدى

الله يرحمك يا عم بيرم
هو دة الكلام اللى يتقال من زممممممممممممممممممان وكأنه مكتوب اليوم
شكرا لك على كلماتك
وشكرا لكى اميره على اختيارك الصحيح
دمتى بكل ود

راح زمن كل حاجه حلوه دلوئتى بقينا فى زمن المنجا والعنب وياريت حد بيعرف يشتريهم
انا توصلت ليه الشعراء بدل ما يكتبواكلام موزون غنوا للمنجا والليمون
علشان كل حاجه غليت هيبئولا يكلوها ولا يغنوها
شكرا لمرورك
تحياتى
اميره ضباشه

» أوان الورد ...
» من بريدِ الورد..!!
» همسات الورد..في محراب الروح..